ՍԴՀԿ ատենապետ. «Ես չեմ կիսում ո՛չ Ժիրայր Սեֆիլանի ծայրահեղ տեսակետը, ո՛չ էլ, ինչ–որ տեղ, Լևոն Տեր–Պետրոսյանի»

● Լրահոս

21.07.2009 ● 15:55

ՍԴՀԿ ատենապետ. «Ես չեմ կիսում ո՛չ Ժիրայր Սեֆիլանի ծայրահեղ տեսակետը, ո՛չ էլ, ինչ–որ տեղ, Լևոն Տեր–Պետրոսյանի»

-Ես ձեզ վստահեցնում եմ, որ այսօրվա ընդդիմությունում գերիշխում է մե՛ր, այլ ոչ թե Տեր-Պետրոսյանի գաղափարը,- դեմ արտահայտվելով Արցախի ազատագրված տարածքների հանձնմանը՝ այսօր «7օր»-ին ասել է ՀԱԿ անդամ Ժիրայր Սեֆիլյանը։

Անդրադառնալով Ժ. Սեֆիլյանի այս հայտարարությանը՝ Սոցիալ-դեմոկրատ հնչակյան կուսակցության ատենապետ Լյուդմիլա Սարգսյանը «7օր»-ին ասել է, թե հարցում չի արել և չգիտի նաև՝ ինչպե՞ս է Ժ. Սեֆիլյանը հաշվարկել, թե ո՞ր տեսակետի կողմնակիցներն են ՀԱԿ-ում ավելի շատ.

-Ես չեմ կիսում ո՛չ Ժիրայր Սեֆիլանի ծայրահեղ տեսակետը, ո՛չ էլ, ինչ-որ տեղ, Լևոն Տեր-Պետրոսյանի։ Ավելի ճիշտ, ես ընդունում եմ Լևոն Տեր-Պետրոսյանի մոտեցումներն այն մասով, որ ինքն առաջնորդվում է այսօր ստեղծված իրավիճակով։ Բայց, իհարկե, որպես ՍԴՀԿ ատենապետ՝ ես ցավով եմ մտածում, որ երբևիցե ինչ-որ հող կհանձնվի Ադրբեջանին։

Իսկ այսօր ստեղծված իրավիճակը, ըստ Լ. Սարգսյանի, այն է, որ նոր պատերազմում Հայաստանը դժվար թե հաղթի, հետևաբար և մեծ կորուստներից խուսափելու համար պետք է որոշ զիջումների գնալ՝ ԼՂ-ի անկախության կարգավիճակը ստանալու դիմաց։

7or.am