Եգիպտոսում տեղի ունեցած հեղաշրջման հետևանքով իշխանությունից զրկված նախագահ Մուրսիի կողմնակիցները նախապատրաստվում են նրան պաշտոնում վերականգնելու կոչերով այս ամսվա երեք ուրբաթ օրերին Կահիրեում զանգվածային ցույցեր կազմակերպել:

Նրանք հայտարարում են, այդ ցույցերը ոչ մեկի կողմից ուղղորդված չեն, և այն համոզմանն են, որ ուրբաթօրյա այդ ցույցերը իրավիճակի բեկում կարձանագրեն:

Այսօր արդեն ցուցարարները զանգվածային ցույցերի են պատրաստվում։ «Մահմեդական եղբայրների» առաջնորդներից Մուհամեդ Բալթագին հայտարարել է. «Այսօր բոլորը պետք է դուրս գան Կահիրեի փողոցները՝ ձեռքներին ուենալով Եգիպտոսի դրոշները»:

Նշենք, որ Մուրսիի կողմնակիցներն արդեն նմեկ շաբաթ է՝ շարունակում են իրենց անժամկետ ցույցերը Եգիպտոսի մի շարք քաղաքներում: Մայրաքաղաք Կահիրեում նրանց համար հավաքատեղի են դարձել Ռաբիա ալ Ադավիա մզկիթն ու Կահիրեի հրապարակին կից գտնվող Նախդա հրապարակը: Երկու տեղերում էլ բեմ է տեղադրված, որտեղ համարյա 24 ժամ անընդհատ ելույթներ են ունենում տարբեր իսլամիստական կուսակցությունների և շարժումների ակտիվիստները: