«Այս համատարած չքավորության պայմաններում  շատ դժվար է ապրել, երեխաներին չեն կարողանում բժշկի տանել: Եթե մեծահասակը վատ վիճակում է, վիրահատության կարիք ունի, և Պարույր Հայրիկյանն էլ չի, ինչ անի այդ մարդը: Այսօր իմացա որ Պարույր Հայրիկյանը թևը շարժում է, ահագին ուրախացա: Սակայն, Հայաստանում նրան վիրահատություն արած վիրաբույժի հարցը պետք է լրջորեն բարձրացնել։  Եթե նա չէր  կարողանում վիրահատություն անել, ուրեմն թող չաներ: Ի դեպ, նա այս իշխանությունների խնամին ա: Նրա պատճառով մեր բյուջեն   հիսուն հազար դոլարով տուժեց, չնայած այդ գումարով որքան երեխայի կարող էինք բուժել»,–այսօրվա ասուլիսին ասել է ՍԴՀԿ ներկայացուցիչ Գուրգեն Եղիազարյանը։ Ինչ վերաբերում է վարչապետի պաշտոնում Տիգրան Սարգսյանի վերանշանակմանը, բանախոսը նշեց, թե դա նախևառաջ արվեց նրա համար, որ քննադատության սլաքը ուղղվի վարչապետին և քաղաքացիների ուշադրության կենտրոնում լինի Տիգրան Սարգսյանը, որովհետև նա բազում սխալներ է անելու: «Մեզ խոստացան երկու անգամ լավ ապրել, սակայն մենք տասն անգամ ավելի վատ ապրեցինք»,–ընդգծեց Գ. Եղիազարյանը։

7or.am