Նախընտրական քարոզարշավի շրջանակներում նախօրեին ՀՅԴ քարոզչական խումբը ունեցել է առաջին բակային հանդիպումը՝ Երեւանի Մալաթիա-Սեբաստիա համայնքի ընտրողների հետ:

«Սա պետք է չդիտվի միայն որպես համայնքային ընտրություն: Իշխանություններն ամեն ինչ անում են, որ դա ներկայացնեն միայն կենցաղսպասարկման հարցեր լուծելու համար քաղաքապետի  ընտրություն և այդպես չեզոքացնել դժգոհությունները: Որովհետև այդպես շատ հեշտ է լինում անձնական հարցի մակարդակի իջեցնելով՝  քաղաքապետի ընտրությունները դարձնել անձի, բարեկամի, ծանոթի հրաբերություններով պայմանավորված ընտրություն: Սրան չպետք է տրվել, որովհետեւ սա քաղաքացիներին մղում է պասիվության: Եթե Դուք հետաքրքրություն չունենաք այս ընտրությունների նկատմամբ, իշխանությունը կվերարտադրվի և կպահպանի այսօրվա իր հնարավորությունները: Երևանցիների մեծ մասը դժգոհ է երկրում ստեղծված իրավիճակից, և դրա կոնկրետ դրսեւորումը մեր աչքի առաջ է: Մենք փոխելով Երևանում քաղաքապետ՝ կարեղ ենք ոչ միայն Երեւանում, այլև ամբողջ հանրապետությունում լուրջ փոփոխության հիմք դնել»,- հայտարարել է ՀՅԴ Հայաստանի Գերագույն Մարմնի ներկայացուցիչ Արմեն Ռուստամյանը: