ԱԺ այսօրվա նիստում ՀԱԿ խմբակցության քարտուղար  Արամ Մանուկյանն, անդրադառնալով Մարդու իրավունքների պաշտպանի 2012թ. զեկույցին, հայտնել է, որ դրանում չկա Կոնգրեսի ակտիվիստ Տիգրան Առաքելյանի բանտարկելու փաստը: «Եթե քաղբանտարկյալի մասին չկա անդրադարձ, ուրեմն այդ զեկույցը զեկույց չէ։ Տիգրան Առաքելյանի կալանավորման ու ազատ արձակման փաստին միջազգային իրավապաշտպան կառույցներն են անդրադարձել: Կոնգրեսի ակտիվիստները 150 անգամ ակցիաներ են կազմակերպել դատախազության շենքի առջև, սակայն դրանց վերաբերյալ որևէ դիտարկում ՄԻՊ զեկույցում չկա: Մարդու իրավունքների պաշտպանի ինստիտուտը արձանագրում է փաստեր և չի նպաստում մարդու իրավունքների պաշտպանությանը Հայաստանում: Հետևողականորեն քաղբանտարկյալ պահելը հարվածում է երկրի շահերին»,-հայտարարել է Մանուկյանը։

Ի պատասխան՝ ՄԻՊ Կարեն Անդրեասյանը նշել է, թե չի կարողացել անդրադառնալ Առաքելյանի գործին, որովհետև այն գտնվում է դատական վարույթում: «Ես եթե անդրադառնայի, դա կլիներ սահմանադրության կոպիտ խախտում: Ես պատրաստ չեմ օրենք խախտել հանուն այդ րոպեի արդարության»,–ասել է օմբուդսմենը։