2013թ. Հայաստանում արձանագրվել է բոտուլիզմի 20 դեպք, որից 3-ը` մահվան ելքով

● Լրահոս

04.04.2013 ● 17:36

2013թ. Հայաստանում արձանագրվել է բոտուլիզմի 20 դեպք, որից 3-ը` մահվան ելքով

2013 թվականին Հայաստանի Հանրապետությունում արձանագրվել է սննդային թունավորման՝ բոտուլիզմի 20 դեպք` 34 տուժածով, որից 3-ը` մահվան ելքով: Սննդային թունավորման դեպքերն արձանագրվել են Լոռու, Կոտայքի, Տավուշի, Արարատի, Շիրակի, Վայոց ձորի, Արմավիրի մարզերում և Երևանում: Բոլոր թունավորումներն առաջացել են տնային պայմաններում պատրաստված կարմիր պղպեղի, վարունգի, լոլիկի մարինադի, լեչոյի, շուշանի, ծիծակի պահածոների օգտագործման հետևանքով:

Հիշեցնենք, որ բոտուլիզմը սննդային ծանր թունավորում է, որի հարուցիչը Clostridium botulinum-ն է, որը գտնվում է արտաքին միջավայրում` հողի մեջ սպորների ձևով, որտեղից էլ անցնում է բանջարեղենի, կանաչեղենի վրա: Հիվանդության հարուցչի աճի և զարգացման համար անհրաժեշտ են անօդ պայմաններ, որտեղ բազմանում են և արտադրում թույն: Նման պայմաններ ստեղծվում են կափարիչներով հերմետիկ փակված պահածոներում: Հարուցչի ոչնչացումը կատարվում է միայն հատուկ սարքերում` ավտոկլավներում, բարձր ճնշման (1.5-2 մթնոլորտ) և 120-130 ջերմաստիճանի ազդեցության տակ, որոնք առկա են միայն պահածո արտադրող կազմակերպություններում, իսկ տնային պայմաններում դրանք հնարավոր չէ ապահովել:

Բոտուլիզմով ախտահարված սննդամթերքը չի փոխում իր համը, հոտը, գույնը և տեսքը:

Հիվանդության ախտանիշներն ի հայտ են գալիս 2-3 ժամից մինչև 10 օրվա ընթացքում:

Հիվանդության ախտանշաններն են` ընդհանուր թուլություն, սրտխառնոց, փսխում, փորլուծություն, որովայնի շրջանում ցավեր, գլխապտույտ, շնչահեղձություն, տեսողության խանգարում (աչքերի առջև մշուշ, ցանց), երկտեսություն, կոպի իջեցում, ձայնի փոփոխություն (խռպոտություն, ռնգախոսություն), բերանի չորություն, կլման ակտի խանգարում:

Բոտուլիզմից զերց մնալու նպատակով

• խուսափե´ք տնային պայմաններում պատրաստված պահածոների օգտագործումից,

• սննդամթերքը պահածոյացնել սառեցման, չորացման կամ աղադրման եղանակով,

• տնային պայմաններում պատրաստված պահածոներն օգտագործելուց առաջ ենթարկե´ք ջերմային մշակման` պահածոյի պարունակությունը եռացնելով 20-25 րոպե,

• մի գնե´ք տնային պայմաններում պատրաստված պահածոներ շուկայից կամ պատահական անհատներից,

• առաջին ախտանշաններն ի հայտ գալուն պես անմիջապես դիմե´ք բժշկի:

● Այս խորագրի վերջին նյութերը

Վերին Լարսի մոտ ավելի քան 250 հայկական բեռնատար է սպասում ռուս-վրացական սահմանը հատելուն

06.11.2024 ● 10:32

Վերին Լարսի անցակետը փակվել է բեռնատարների համար։

Անկարայի և Երևանի միջև հարաբերությունները կկարգավորվեն Ադրբեջանի և ՀՀ-ի միջև խաղաղության պայմանագրի կնքումից հետո. Ֆիդան

06.11.2024 ● 10:29

Թուրքիան հայտարարել է Հայաստանի հետ հարաբերությունները կարգավորելու մտադրության մասին, սակայն պայմանով։

Իրանի վրա լայնածավալ հարձակման դեպքում Հայաստանը լուրջ հումանիտար հետևանքների կբախվի. Սատանովսկի

06.11.2024 ● 10:11

Մերձավոր Արևելքում Իրանի մասնակցությամբ լայնածավալ պատերազմն իր ազդեցությունը կունենա նաև Հարավային Կովկասի վրա։

Սիսիանի համայնքապետը պարգևատրել է հարազատ քեռուն. «Հրապարակ»

06.11.2024 ● 09:48

32-ամյա Հովսեփ Առաքելյանը հոկտեմբերի 24-ին է համայնքապետ ընտրվել։

ԱՄՆ ընտրություններ․ Թրամփը հաղթում է ավելի քան 20 նահանգներում, Հարիսը՝ ավելի քան տասը

06.11.2024 ● 09:34

Հաղթելու համար թեկնածուները պետք է ստանան ընտրիչների առնվազն 270 ձայն։

Ժաննա Անդրեասյանի տեղակալը ապօրինի պաշտոն է զբաղեցնում. «Հրապարակ»

06.11.2024 ● 09:32

Ժաննա Անդրեասյանն իր մտերիմ ընկերուհուն՝ նախարարի տեղակալ Արաքսիա Սվաջյանին, վերջերս կարգել է Հայաստանի ազգային ագրարային համալսարանի հոգաբարձուների խորհրդի համանախագահ: