Այսօր լրագրողների հետ են հանդիպել «Հայաստանի ձայնը» նախագծի «մարզիչներից» երգչուհի Սոնան և նրա թիմի որոշ անդամներ։ Հիշեցնենք, որ հենց Սոնայի թիմից Մերի (Մաշա) Մնջոյանը հեռուստադիտողների քվեարկությամբ բացարձակ առաջատար և «Հայաստանի ձայնը» դարձավ։

Սոնան ընդգծել է, որ իր թիմն իրոք տարբերվում էր ոչ միայն տաղանդավոր, այլ նաև մարդկային բարձր արժեքներ ունեցող մասնակիցներով։

Սոնան այդ առումով իրեն համարում է շատ երջանիկ և բախտավոր անձնավորություն։

Ինչ վերաբերում է նախագծում հաղթած Մերի Մնջոյանին, Սոնան նշել է, որ հենց սկզբից հիացել է նրանով։

–Նույնիսկ խոստովանել եմ իր հարազատներին՝ ոնց որ իմ երեխան լինի,–ասել է նա: 

Նշենք, որ հենց Մերի Մնջոյանի առնչությամբ «մարզիչներից» Սոնայի և Արտո Թունջբոյաջյանի միջև վեճ ծագեց։ Կրքերը մինչ օրս չեն հանդարտվել։

Նշենք նաև, որ Մերի Մնջոյանը այս նախագծի տարիքով փոքր մասնակցիներից մեկն էր, ում 18–ամյակը լրացավ հենց «Հայաստանի ձայն»–ում։

7or.am