Հրանտ Ավետիսյանը ֆեյսբուքյան իր էջում գրել է.

«Իմաստը ո՞րն էր հացադուլ սկսելու, բոլորին խոստանալու մինչ ապրիլի ինը հացադուլի մեջ մնալու, նախագահին սպառնալու, որ միայն իր դիակի վրայով կանցնի երդմնակալությունը և կեսից հետ կանգնելու: Ի՞նչ է նշանակում այս ամենը: Եթե Րաֆֆին ուղղակի ծոմ է պահում, թող գնա տունը ծոմ պահի: Էլ ինչի՞ համար էր եկել, հրապարակում վրան խփել:  Ուրեմն այս քայլը կարելի է ընկալել որպես Ս. Սարգսյանի առաջարկած տարբերակի սկի՞զբ: Պարոն Սարգսյանը ասել էր՝ «Դադարեցրու հացադուլդ, մեկ-երկու օր կազդուրվիր ......», այսինքն՝ Րաֆֆին կդադարեցնի հացադուլը, և աշխատանքային շաբաթը սկսելու հետ մեկտեղ կսկսվեն բանակցությունները (հիշեցնեմ, որ աշխատանքային շաբաթը այս անգամ կսկսվի երեքշաբթի, քանի որ երկուշաբթի մեռելոց է): Ուրեմն ստացվեց, որ Րաֆֆին ունի նախագահի նշված երկու օրը կազդուրվելու համար: Ճիշտ է, ոչ մեկս էլ չենք ցանկանում տեսնել պարոն Հովհաննիսյանին թույլ և ուժասպառ վիճակում, բայց այս ամենը կարող է նշանակել, որ այս պահից սկսած Ս. Սարգսյանը իր ձեռքն է վերցնում բոլոր խաղաքարտերը»։