«Գառնի» պատմամշակութային արգելոց–թանգարանի տարածքն օրերս վերածվել էր  ժողովրդական տոնախմբության անցկացման միջավայրի: Հայոց  հեթանոսական Վահագն Աստծո ծննդյան տոնին (ավանդական Նավասարդ)  նվիրված  միջոցառման  նախաձեռնողները  «Արորդիների Ուխտ» և «Հայկական խոհարարական ավանդույթների զարգացման և պահպանման» կազմակերպություններն էին:  Տոնախմբությանը մասնակից տարբեր տարիքի շուրջ  հինգ հարյուր այցելուներին  ներկայացվեց  օրվա  խորհուրդը, կատարվեց  քրմական ծես: Արգելոց-թանգարանի տարածքում, ավանդույթի համաձայն, տնկվեց ծիրանենի: Այս տարվա միջոցառումներին հայկական  ավանդական ուտեստների   ցուցացադրությամբ միացել էր  նաև «Հայկական խոհարարական ավանդույթների զարգացման և պահպանման» հասարակական կազմակերպությունը: Միջոցառման ավարտին մասնակիցները, ներառյալ զբոսաշրջիկները /շուրջ 80 մարդ/ բազմերանգ ժապավեններով մասնակցեցին  ծառզարդարի: