Րաֆֆի Հովհաննիսյան. «Սա կոալիցիա մտնելու հայտ չէ»

● Լրահոս

25.03.2013 ● 16:51

Րաֆֆի Հովհաննիսյան. «Սա կոալիցիա մտնելու հայտ չէ»

«Ժառանգություն» կուսակցության առաջնորդ, նախագահի ընտրություններում պաշտոնական արդյունքներով երկրորդ տեղը զբաղեցրած թեկնածու Րաֆֆի Հովհաննիսյանը Սերժ Սարգսյանին ներկայացրած իր առաջարկները ո՛չ իշխող Հանրապետականի հետ կոալիցիա կազմելու հայտ է համարում էլ, ո՛չ էլ պաշտոնների հայց:

Նոր արտահերթ նախագահական եւ խորհրդարանական ընտրություններից, զատ Րաֆֆի Հովհաննիսյանը Սերժ Սարգսյանից ղեկավար պաշտոններ է պահանջել գլխավոր դատախազությունում, հարկային եւ մաքսային, ազգային անվտանգության ծառայություններում, արտաքին գործերի եւ կրթության ու գիտության նախարարություններում, վերստուգիչ պալատում, արդարադատության խորհրդում եւ հակակոռուպցիոն հանձնաժողովում. պահանջել է նաեւ 5 մարզպետների պաշտոնանկություն եւ դեռ չի պատասխանել հացադուլը դադարեցնելու եւ արդյունավետ երկխոսություն սկսելու` Սերժ Սարգսյանի այսօրվա հորդորներին:

«Սա ոչ թե պաշտոնների հայց էր, այլ համալիր լուծում, որը ենթադրում էր ժողովրդի հետ իշխանության կիսում»,–այսօր «Ազատություն» ռադիոկայանի հետ զրույցում ասել է Հովհաննիսյանը:

Արձագանքելով «պաշտոն ուզելու» վերաբերյալ իր հասցեին հնչող քննադատություններին ու մեղադրանքներին` ընդդիմադիր առաջնորդը ասել է.

«Կարող եք նկատել, որ ես չկամ այդ որեւէ մի պաշտոնի տակ: Իմ անունը չկա եւ ոչ էլ իմ ցանկությունը: Այստեղ պաշտոնների հարց չէ, այստեղ ժողովրդին հարգելու հարցն է: Սա նաեւ կոալիցիա մտնելու հայտ չէ, սա իշխանության կողմից ժողովրդի հաղթանակը, ժողովրդի ներկայությունը, ժողովրդի վերածնունդը հարգելու հարց է»։

«Ես ունեմ իմ հավատամքը, ես ունեմ ծրագիր, ես ունեմ ժամացույց եւ ես վստահ եմ, որ ժողովուրդը եւ ես, իրար հետ խորհրդակցելով, իրար հետ պայմանագիր կնքած արդեն, պիտի տանենք այս պայքարը մինչեւ տրամաբանական եւ հաղթական ավարտ»,–խոսելով հացադուլը դադարեցնելու հեռանկարի մասին` ասել է «Ժառանգության» առաջնորդը:

15 օր հացադուլի մեջ գտնվող Հովհաննիսյանը վստահեցնում է, որ լավ է եւ նույնիսկ բժիշկներին թույլ չի տալիս իրեն հետազոտել:

● Այս խորագրի վերջին նյութերը

Սունդուկյանի անվան ազգային ակադեմիական թատրոնի տնօրենի կողմից շարունակվում են ապօրինությnւնները. «Գոյ» թատրոնի հայտարարությունը

05.11.2024 ● 22:27

2024թ․ նոյեմբերի 4-ին «Գոյ» թատրոնը պետք է սկսեր իր բնականոն աշխատանքը` մինչ այդ գործով դատարանի վերջնական վճիռը:

Երևանի 9%-ոց ոչ լեգիտիմ քաղաքային «իշխանության» հերթական նվերը քաղաքացիներին

05.11.2024 ● 21:43

Երևանում գույքահարկը բարձրանալու է 50 տոկոսով։ Քաղաքացին տուգանքի մատերիալ է և վերջ։

Աննա Հակոբյանին վերապահված է ստվերային «կարդինալուհու» դերը. Անդրանիկ Թևանյան (տեսանյութ)

05.11.2024 ● 21:33

«Մայր Հայաստան» շարժման առաջնորդ Անդրանիկ Թևանյանը հյուրընկալվել է Հ2 հեռուստաալիքին:

Կողբում հանրային սննդի օբյեկտի գործունեություն է կասեցվել

05.11.2024 ● 19:02

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ։

Գերմանիայում չեն կարողանում գտնել հաջողակին, որը վիճակախաղով 1,1 մլն եվրո է շահել

05.11.2024 ● 18:45

Գերմանիայում վիճակախաղի շահումները չեն հարկվում, քանի որ դրանք հիմնված են հաջողության վրա:

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։