Սիրիայի ընդդիմադիր ազգային կոալիցիան չի ընդունել իր առաջնորդ Ահմեդ Մուազ Ալ-Խատիբի հրաժարականը։ Վերջինս իր լիազորությունները վայր դնելու որոշման մասին հայտարարել էր նախօրեին։ 

«Ֆրանս պրես»-ի փոխանցմամբ՝  ընդդիմադիրների առաջնորդի հրաժարականին դեմ է Ազգային կոալիցիայի գլխավոր վեհաժողովը: Ընդդիմության ներկայացուցիչները Ալ-Խատիբին հորդորել են վերադառնալ իր պարտականությունների կատարմանը: 
«Խատիբը Սիրիայի ազգային կոալիցիան գլխավորեց շատ կարևոր շրջանում։  Նրան հաջողվեց ձեռք բերել սիրիացի ժողովրդի վստահությունը»,-ասվում է ընդդիմադիրների հայտարարության մեջ: 

Նշվում է նաև, թե ըստ ձեռք բերված  պայմանավորվածության՝ Խատիբը շարունակելու է առաջնորդի իր պարտականությունները, սակայն առայժմ ստույգ չի հաղորդվում, թե արդյոք Ալ-Խատիբը համաձայնե՞լ է վերադառնալ։
Մոազ Խատիբը Սիրիայի ազգային կոալիցիայի առաջնորդ էր ընտրվել 2012 թվականի նոյեմբերին: