Հունվարի 1-ի դրությամբ դեղորայքակայուն տուբերկուլյոզով 275 հիվանդ գտնվում է բուժման մեջ

● Լրահոս

22.03.2013 ● 11:50

Հունվարի 1-ի դրությամբ դեղորայքակայուն տուբերկուլյոզով 275 հիվանդ գտնվում է բուժման մեջ

1882 թվականի մարտի 24-ին գերմանացի մանրէաբան Ռոբերտ Կոխը հայտարարեց տուբերկուլոզի հարուցչի հայտնաբերման մասին։ Դրանից 111 տարի անց` 1993 թվականից ի վեր, մարտի 24-ը ողջ աշխարհում նշվում է որպես Տուբերկուլոզի դեմ պայքարի համաշխարհային օր:

ՀՀ առողջապահության նախարարության «Տուբերկուլյոզի դեմ պայքարի 2007-2015 թվականների ազգային ծրագրի» շրջանակներում իրականացված միջոցառումների արդյունքում վերջին տարիներին Հայաստանում արձանագրվել է տուբերկուլյոզի համաճարակաբանական իրավիճակի բարելավում: Տարեցտարի նվազող հիվանդացության ցուցանիշը 2012-ին կազմել է 37,1 իսկ մահացության ցուցանիշը` 2 (100000 բնակչի հաշվարկով):

2012 թվականին Հայաստանի Հանրապետությունում արձանագրվել է 1125 առաջնակի հիվանդ (2011 թվականին` 1247): Կյանքում առաջին անգամ ախտորոշվածներից 3.6%-ը կազմում են 0-14 տարեկան երեխաները, 12.9%-ը` 15-24, 22%-ը` 25-34, 16.3%-ը` 35-44, 18.6%-ը` 45-54, 15.9-ը` 55-64 տարեկանները, 10.7%-ը` 65-ից բարձր տարիք ունեցողները: Ընդ որում, աշխատունակ 15-54 տարիքային խմբերին բաժին է ընկնում դեպքերի 69.2%-ը:

Տղամարդկանց շրջանում հիվանդացության ցուցանիշը մոտ 3.3 անգամ բարձր է, քան կանանց, և 2012 թվականին կազմել է 58.2 (2011թվականին` 57.6), իսկ կանանց շրջանում` 17.8 (2011 թվականին` 19.9): Առաջնակի դեպքերից շուրջ 18%-ը հիվանդացել են արտերկրում:

Ազատազրկման վայրերում 2012 թվականի ընթացքում արձանագրվել է տուբերկուլոզի 24 դեպք, որից 9-ը առաջնակի թոքային, որից 22.2%-ը` մանրէազատող:

2013 թվականի հունվարի 1-ի դրությամբ դեղորայքակայուն տուբերկուլոզով 275 հիվանդ գտնվում է բուժման մեջ:

Պետության, ինչպես նաև Տուբերկուլյոզի, ՄԻԱՎ/ՁԻԱՀ և մալարիայի դեմ պայքարի Գլոբալ հիմնադրամի կողմից տուբերկուլոզի դեմ պայքարին ուղղված ֆինանսավորման շնորհիվ ներկայումս Հանրապետությունում առկա են տուբերկուլոզի ախտորոշման և բուժման համար պահանջվող բոլոր անհրաժեշտ ժամանակակից սարքավորումներն ու դեղերը:

Դեղեր, ախտորոշիչ նյութեր և սարքավորումներ տրամադրելուց բացի, ծրագրի շրջանակներում իրականացվում են հիվանդների և նրանց ընտանիքների սոցիալական աջակցության ծառայություններ, ինչպես նաև բազմաթիվ այլ միջոցառումներ: Իրականացվել են տուբերկուլոզային բուժհաստատությունների վերանորոգման և անհրաժեշտ գույքով հագեցման, բուժանձնակազմի վերապատրաստման (այդ թվում` արտերկրում), հետազոտական բնույթի աշխատանքներ, ինչպես նաև բնակչության իրազեկում և կրթում:

Տուբերկուլյոզի դեմ պայքարի համաշխարհային օրվա այս տարվա կարգախոսն է. «Կանգնեցնենք տուբերկուլյոզը մեր կյանքի ընթացքում»: Այն արտահայտում է տուբերկուլյոզից ազատ աշխարհ և տուբերկուլյոզից զրո մահվան դեպք ունենալու գաղափարը:

● Այս խորագրի վերջին նյութերը

Սունդուկյանի անվան ազգային ակադեմիական թատրոնի տնօրենի կողմից շարունակվում են ապօրինությnւնները. «Գոյ» թատրոնի հայտարարությունը

05.11.2024 ● 22:27

2024թ․ նոյեմբերի 4-ին «Գոյ» թատրոնը պետք է սկսեր իր բնականոն աշխատանքը` մինչ այդ գործով դատարանի վերջնական վճիռը:

Երևանի 9%-ոց ոչ լեգիտիմ քաղաքային «իշխանության» հերթական նվերը քաղաքացիներին

05.11.2024 ● 21:43

Երևանում գույքահարկը բարձրանալու է 50 տոկոսով։ Քաղաքացին տուգանքի մատերիալ է և վերջ։

Աննա Հակոբյանին վերապահված է ստվերային «կարդինալուհու» դերը. Անդրանիկ Թևանյան (տեսանյութ)

05.11.2024 ● 21:33

«Մայր Հայաստան» շարժման առաջնորդ Անդրանիկ Թևանյանը հյուրընկալվել է Հ2 հեռուստաալիքին:

Կողբում հանրային սննդի օբյեկտի գործունեություն է կասեցվել

05.11.2024 ● 19:02

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ։

Գերմանիայում չեն կարողանում գտնել հաջողակին, որը վիճակախաղով 1,1 մլն եվրո է շահել

05.11.2024 ● 18:45

Գերմանիայում վիճակախաղի շահումները չեն հարկվում, քանի որ դրանք հիմնված են հաջողության վրա:

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։

Երևանի 9%-ոց ոչ լեգիտիմ քաղաքային «իշխանության» հերթական նվերը քաղաքացիներին

Աղբահավաքության շոուն կա, բայց աղբի հավաքումը չկա

Սա ո՞նց բնութագրել, եթե ոչ` թալան օրինական քողի տակ

● Լրահոս