Հանդիպում ԵԽ նախարարների կոմիտեի ժողովրդավարության հարցերով զեկուցողների խմբի պատվիրակության հետ

● Լրահոս

22.03.2013 ● 11:18

Հանդիպում ԵԽ նախարարների կոմիտեի ժողովրդավարության հարցերով զեկուցողների խմբի պատվիրակության հետ

Մարտի 21-ին ՀՀ ոստիկանությունում տեղի ունեցավ հանդիպում ԵԽ նախարարների կոմիտեի ժողովրդավարության հարցերով զեկուցողների խմբի պատվիրակության հետ:

Ոստիկանության պետի տեղակալ Արթուր Օսիկյանը ողջունելով հյուրերին՝ ներկայացրեց հանդիպման մասնակից ոստիկանության ներկայացուցիչներին ու հավաստեց հայկական կողմի պատրաստակամությունը՝ հանգամանալից և առարկայական քննարկում ծավալելու պատվիրակությանը հետաքրքրող բոլոր հարցերի շուրջ:

ԵԽ նախարարների կոմիտեի պատվիրակության ղեկավար Ուրսուլա Գաշեկը նշեց, որ իրենց առավելապես հետաքրքրում է ոստիկանության գործունեության ընթացքում մարդու իրավունքների պաշտպանության հիմնախնդիրը և այդ ոլորտում բարեփոխումների ընթացքը:

Արթուր Օսիկյանը ներկայացրեց իրականացված բարեփոխումների ուղղությունները՝ անդրադառնալով ԵԱՀԿ ակտիվ աջակցությամբ համայնքային ոստիկանության ձևավորման ընթացքին, ոստիկանությունում քաղծառայության համակարգի ներդրմանը, հասարակական կարգի պահպանության բնագավառում իրականացված կառուցվածքային փոփոխություններին, ոստիկանության գործունեության նկատմամբ քաղաքացիական վերահսկողության ուժեղացմանը և այլն:

Նշվեց, որ բարեփոխումները շարունակական բնույթ են կրում, և այդ նպատակով ոստիկանությունում գործում է հատուկ ստորաբաժանում:

Ոստիկանության շտաբի պետ Վարդան Եղիազարյանն անդրադարձավ ՀՀ ոստիկանության և միջազգային կառույցների համագործակցությանը՝ նշելով, որ հաճախ այն վերածվում է գործընկերության՝ իր զգալի նպաստը բերելով ինչպես բարեփոխումների արդյունավետության բարձրացմանը, այնպես էլ ոստիկանության արդիականացման ծրագրերը նախատեսված ժամկետներում կենսագործելուն:

Խոսելով հասարակություն-ոստիկանություն կապի ամրապնդման և փոխհամագործակցության ժամանակակից դրսևորումների մասին՝ շեշտվեց մասնավորապես ոստիկանության պաշտոնական կայքէջի կարևորությունը, որը հասարակությանը հրատապ տեղեկատվություն և մասնագիտական խորհրդատվություն տրամադրելուց բացի, ապահովում է նաև հետադարձ կապը քաղաքացիների հետ, որոնք կարող են կայքէջում ուղղղակիորեն հանդես գալ իրենց հարցադրումներով և համապատասխան ստորաբաժանումներից կարճ ժամանակամիջոցում ստանալ մեկնաբանություններ ու պարզաբանումներ:

Հանդիպման ընթացքում սպառիչ պատասխաններ տրվեցին պատվիրակության ներկայացուցիչների բոլոր հարցերին, քննարկվեց փոխադարձ հետաքրքրություն ներկայացնող խնդիրների լայն շրջանակ:

● Այս խորագրի վերջին նյութերը

Սունդուկյանի անվան ազգային ակադեմիական թատրոնի տնօրենի կողմից շարունակվում են ապօրինությnւնները. «Գոյ» թատրոնի հայտարարությունը

05.11.2024 ● 22:27

2024թ․ նոյեմբերի 4-ին «Գոյ» թատրոնը պետք է սկսեր իր բնականոն աշխատանքը` մինչ այդ գործով դատարանի վերջնական վճիռը:

Երևանի 9%-ոց ոչ լեգիտիմ քաղաքային «իշխանության» հերթական նվերը քաղաքացիներին

05.11.2024 ● 21:43

Երևանում գույքահարկը բարձրանալու է 50 տոկոսով։ Քաղաքացին տուգանքի մատերիալ է և վերջ։

Աննա Հակոբյանին վերապահված է ստվերային «կարդինալուհու» դերը. Անդրանիկ Թևանյան (տեսանյութ)

05.11.2024 ● 21:33

«Մայր Հայաստան» շարժման առաջնորդ Անդրանիկ Թևանյանը հյուրընկալվել է Հ2 հեռուստաալիքին:

Կողբում հանրային սննդի օբյեկտի գործունեություն է կասեցվել

05.11.2024 ● 19:02

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ։

Գերմանիայում չեն կարողանում գտնել հաջողակին, որը վիճակախաղով 1,1 մլն եվրո է շահել

05.11.2024 ● 18:45

Գերմանիայում վիճակախաղի շահումները չեն հարկվում, քանի որ դրանք հիմնված են հաջողության վրա:

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։

Երևանի 9%-ոց ոչ լեգիտիմ քաղաքային «իշխանության» հերթական նվերը քաղաքացիներին

Աղբահավաքության շոուն կա, բայց աղբի հավաքումը չկա

Սա ո՞նց բնութագրել, եթե ոչ` թալան օրինական քողի տակ

● Լրահոս