«Իմ խիղճը չի տանում էս վիճակում Րաֆֆի Հովհաննիսյանին տեսնել»,-Yerkir.am-ի հետ զրույցում հայտարարել է ԱԺ ՀՀԿ խմբակցության պատգամավոր Առաքել Մովսիսյանը (Շմայս):

Այն դիտարկմանը, թե խիղճը չի տանում, այդ վիճակում տեսնել, քանի որ Րաֆֆի Հովհաննիսյանը ութ-ինը օր սոված է եւ որ դառնացած է աշխարհի վրա՞, ՀՀԿ-ական պատգամավորը հայտարարել է՝ ոչ:

«Չէ, էդ առումով չէ, ուղղակի ես միշտ իրան հագած-կապած, սիրուն վիճակում են տեսել, հիմա չեն ուզում գնամ՝ էս վիճակում տեսնեմ»,-հստակեցրել է ՀՀԿ-ական պատգամավորը:

Այն դիտարկմանը, որ մարդասիրական դրդապառճառներից ելնելով էլ կարող է գնալ եւ անգամ «էդ վիճակում» տեսնել Րաֆֆի Հովհաննիսյանին, Առաքել Մովսիսյանը հայտարարել է, որ ինքը չի ասել, թե չի գնա:

«Եթե էդ կողմը թեքվելու լինեմ, անպայման կմտնեմ: Ես գյուղում եմ ապրում, քաղաք չեմ գալիս, միայն աշխատանքային օրերին եմ գալիս»,-հայտարարել է Մովսիսյանը:

ՀՀԿ-ական պատգամավորը նաեւ նշել է. «Չի կարելի երկիրը տանել դեպի անդունդ, ինչը որ հիմա Րաֆֆի Հովհանիսյանն է փորձում անել»: