Լեդի Գագան դեռ չի հասցրել բոլորովին ապաքինվել տարած վիրահատությունից հետո, իսկ երկրպագուներին արդեն նոր լուր է ցնցել. նա մտադիր է ամուսնանալ Թեյլոր Քիննիի հետ: Այդ մասին հանտնել է Գագայի մոտիկ ընկերուհի Սթարլայտը.  «Գագան ասաց, որ Թեյլորը հենց այն միակն է: Եվ դա նկատել է ոչ միայն ինքը: Նրանք ստեղծված են միմյանց համար: Ես կարծում եմ, որ Թեյլորը հիանալի տղա է»: Դեռ հստակ պարզ չէ, թե երբ է տեղի ունենալու հարսանեկան արարողությունը, սակայն Սթարլայտի ասելով՝ հավանաբար տեղի կունենա ամռանը, երբ Գագան ավարտի իր նկարահանումները և ազատ ժամանակ ունենա:

Հիշեցնենք, որ Թեյլորի հետ Գագան ծանոթացել է «You and I» երգի տեսահոլովակի նկարահանման ժամանակ, ինչից հետո սկսվել է նրանց բուռն սիրավեպը: Այսօր Թեյլորը և Գագան միասին Չիկագոյում են, որտեղ Գագան ապաքինվում է վիրահատությունից հետո, իսկ Թեյլորը մասնակցում է նկարահանումներին: