«Երևան Ջուր» ՓԲԸ–ի գործունեության արդյունքները. 2013թ. փետրվարը 2012թ. փետրվարի նկատմամբ

Գարնան հետ միասին «Երևան Ջուր» ՓԲԸ համակարգում վերսկսվեցին բակային պոմպակայանների վերանորոգման ու վերակառուցման աշխատանքները, որոնց դերը ջրամատակարարման բարելավման գործում զգալի է: Մայրաքաղաքում ներկայումս գործում է 408 բակային պոմպակայան, որոնց միջոցով ապահովվում է 1188 բազմաբնակարան շենքի, ինչպես նաև մայրաքաղաքի առանձնատներով կառուցապատված որոշ թաղամասերի ջրամատակարարումը:

Նախկինում դրանց աշխատանքի համար պատասխանատու էին  համատիրությունների աշխատակիցները, լիազորները, կամ առանձին մարդիկ, որոնք որոշակի ժամերին միացնում-անջատում էին պոմպերը, հաճախ նաև կամայականորեն, սպառողների արդարացի բողոքներին տեղիք տարով: Հասկանալի է, որ նման պարագայում չէր կարող որևէ խոսք լինել սպասարկման որակի, կանոնավոր ջրամատակարարման մասին: Ստեղծված իրավիճակում բակային պոմպակայաններում ինքնաշխատ ժամային ռելեների տեղադրումը մի քանի տարի առաջ բնականաբար դիտարկվեց որպես զգալի առաջընթաց: Սակայն ակնհայտ էր, որ դա ևս ելք չէ:

2006թ., երբ «Երևան Ջուր» ընկերությունը վարձակալեց մայրաքաղաքի ջրամատակարարման համակարգը, միայն մի քանի նորագույն բակային պոմպակայան կար: Փաստորեն աշխատանքներն այս ուղղության հարկ էր սկսել զրոյից: Անցած տարիներին ձեռք բերվեց ու տեղադրվեց նոր 280 պոմպակայան (հիմնականում դանիական GrundFos ընկերության արտադրության), որոնք և՛ հուսալի են, և՛ էներգախնայող, և գործում են անաղմուկ: Դրանց  միջոցով սպասարկվող 821 շենքերի մեծ մասում ներկայումս իրականացվում է կայուն շուրջօրյա ջրամատակարարում:

Եվս 21 պոմպակայան վերակառուցվեց ընթացքիկ տարվա հունվար-մարտ ամիսներին, խնդիրը լուծելով մի քանի տասնյակ բարձրահարկերում: Ներկայումս աշխատանքներն այս ուղղությամբ շարունակվում են, նպատակ ունենալով արդեն տեսանելի ապագայում մնացած 107 բակային պոմպակայանները ևս համապատասխանեցնել ժամանակի պահանջներին, Երևանում նույնքան ժամանակի պահանջներին համապատասխան ջրամատակարարում ապահովելու նպատակով:

Ինչ վերաբերում է ընկերության ամենօրյա գործառույթների իրականացմանը, ապա անցած ամիսը դրական է բնութագրվել նաև այս առումով: Այսպես, փետրվարին Երևանում շուրջօրյա ջրամատակարարում է ունեցել բաժանորդների 78,7%-ը, 17-23 ժամ՝ 17,9%-ը և 12-17 ժամ՝ ընդամենը 3,4%-ը: Ինչ վերաբերում է ջրի որակին, ապա «Երևան Ջուր» ՓԲԸ ջրի լաբորատորիայի կողմից համակարգի 1419 կետից վերցվել է փորձանմուշներ, որոնց ստուգման արդյունքները ցույց են տվել, որ սպառողներին մատակարարվող ջրի որակը համապատասխանել է գործող սանիտարական նորմերի և կանոնների պահանջներին:

Ղեկավարվելով «Մենք հաշվետու ենք հանրության առջև» կարգախոսով, «Երևան Ջուր» ընկերությունը ստորև ներկայացնում է հերթական ամենամսյա հրապարակումը 2013թ. փետրվար ամսվա գործունեության մի շարք հիմնական ցուցանիշների վերաբերյալ` 2012թ. նույն ժամանակամիջոցի նկատմամբ /2008թ. տվյալները  համեմատության համար են/:

«Երևան Ջուր» ՓԲԸ հաղորդակցության բաժին