Վերջին երեք օրերին հանրապետության տարածքում դիտվել է օդի ջերմաստիճանի կտրուկ բարձրացում մոտ 8-10 աստիճանով: Մարտի 15-ին առավելագույն ջերմաստիճանը լեռնային շրջաններում գրանցվել է +10...+13⁰C, Լոռիում` +15...+18<sup>0</sup>C, Տավուշում` +15...+20⁰C, Արարատյան դաշտում` +21...+23<sup>0</sup>C, Արագածոտնի և Սյունիքի նախալեռներում` +20...+22⁰C, Սյունիքի հովիտներում` մինչև +26⁰C:

Մարտի 16-ի ժամը 10։00 դրությամբ ջերմաստիճանի բարձրացումը հանրապետության տարածքում շարունակվում է, և մարտի 15-ի նույն ժամի հետ համեմատ` ջերմաստիճանը բարձրացել է միջինը 4-5, Լոռիում և Սյունիքի նախալեռների առանձին հատվածներում` 7-12 աստիճանով:

Ջերմաստիճանի աճը կշարունակվի մինչև մարտի 17-ի օրվա առաջին կեսը ներառյալ: Մարտի 17-ի երեկոյան ժամերից, մարտի 18-ին և մարտի 19-ի գիշերը ցուրտ մթնոլորտային ճակատի անցմամբ պայմանավորված՝ ջերմաստիճանը աստիճանաբար կնվազի 10-12 աստիճանով: Մարտի 18-ի ցերեկը օդի ջերմաստիճանը Շիրակում, Կոտայքում, Գեղարքունիքում, Արագածոտնի և Վայոց Ձորի լեռնային շրջաններում կտատանվի -2...+3⁰C, Լոռիում` +3...+8<sup>0</sup>C, Տավուշում` +6...+10⁰C, Արագածոտնի նախալեռներում` +8...+12<sup>0</sup>C, Արարատյան դաշտում և Վայոց Ձորի նախալեռներում` +8...+13⁰C, Սյունիքի հովիտներում` +7...+10<sup>0</sup>C, Սյունիքի նախալեռներում` +2...+5, Արցախում` +6...+10<sup>0</sup>C, Երևանում` +11...+13⁰C սահմաններում:

Մարտի 19-ի գիշերը օդի ջերմաստիճանը Շիրակում, Կոտայքում, Գեղարքունիքում, Արագածոտնի և Վայոց ձորի լեռնային շրջաններում կտատանվի -5...-10⁰C, Լոռիում` -2...-7<sup>0</sup>C, Տավուշում` +1...+4⁰C, Արագածոտնի նախալեռներում` +1...+4<sup>0</sup>C, Արարատյան դաշտում և Վայոց Ձորի նախալեռներում` +1...+4⁰C, Սյունիքի հովիտներում` +2...+5<sup>0</sup>C, Սյունիքի նախալեռներում` 0...+4, Արցախում` +2...+5<sup>0</sup>C, Երևանում` +1...+3⁰C սահմաններում:

Պայմանավորված մոտեցող ցիկլոնի ուժի թուլացմամբ՝ որոշակիորեն կնվազի նաև մարտի 17-18-ը սպասվող տեղումների ինտենսիվությունը և կփոքրանա գետերում ջրի մակարդակի կտրուկ բարձրացման վտանգը: