Երևանի ավագանու ՀՀԿ–ական անդամ, ճարտարապետ Լևոն Իգիթյանն այսօր լրագրողների հետ հանդիպման ժամանակ պնդել է, թե Սերժ Սարգսյանը 2013թ. փետրվարի 18-ի նախագահական ընտրություններում հաղթել է։ 

–Ինձ համար արհամարհական է, որ իրենց կյանքում հազար բաներ տեսած մեծահասակ մարդիկ թամաշայի են գնում։ Երկրի ճակատագիրը թամաշայի չի կարելի վերածել,–ասել է նա՝ քննադատելով հետընտրական գործընթացները։

Լևոն Իգիթյանը ո՛չ ընտրակեղծիք է տեսել, ո՛չ էլ «Ժառանգություն» կուսակցության նախագահ Րաֆֆի Հովհաննիսյանի մեջ տեսնում է այն հատկությունները, որոնցով նա կարող է թուրքի կամ ադրբեջանցու հետ բանակցել։ 

Իսկ ինչ վերաբերում է Ազատության հրապարակում վրան տեղադրելուն, նա հայտարարել է,

–Ազատության հրապարակի աուրան է արժեք, տարածքն է արժեք: Պիոներական ճամբա՞ր է, ինչ է. մայրաքաղաք է: Բոշայություն եմ համարում քաղաքի կենտրոնում վրան դնելը։

7or.am