Մարտի 10-ին՝ ժամը 21։33-ին, Փարաքար-Մուսալեռ ավտոճանապարհին տեղի է ունեցել ՃՏՊ, առկա է գազի արտահոսք, կա տուժած. անհրաժեշտ է օգնություն:  

Դեպքի վայր են մեկնել մեկ մարտական հաշվարկ, ՃԿԿ ԱԻ արձագանքման և հատուկ նշանակության փրկարարական աշխատանքների իրականացման կենտրոնի հերթապահ խմբերը:

Պարզվել է, որ ՃՏՊ-ն տեղի է ունեցել Փարաքար գյուղի Շիրազի փողոցի թիվ 1 տանմոտակայքում:

Չբացահայտած հանգամանքներում բախվել են «Իվեկո» մակնիշի 30 TS 231 և «Օպել»մակնիշի 34 PL 091 պետհամարանիշերով ավտոմեքենաները:

Մինչ փրկարարների կանչի վայր հասնելը` «Օպել» մակնիշի ավտոմեքենայի վարորդ, 1990թ. ծնված Ա. Պետրոս­յանը և ուղևոր, 1993 թ. ծնված Գ. Բաղդասարովը տարբեր աստիճանիմարմնական վնասվածքներով տեղափոխվել են Էջմիածին քաղաքի բժշկական կենտրոն:Բժիշկները տուժածների առողջական վիճակը գնահատել են բավարար:

Հրշեջ-փրկարարները դադարեցրել են «Օպել» մակնիշի ավտոմեքենայից գազի արտահոսքը: