Երիտասարդական միջոցառումների աջակցման կենտրոնը նպատակ ունի երիտասարդ սերնդի մեջ ամրապնդել ազգային ավանդույթների պահպանմանն ուղղված քայլեր` նպաստելով հայ երիտասարդի ազգային և համամարդկային արժեհամակարգի ձևավորմանը: Նպատակն է ուշադրության կենտրոնում պահել մարզերը, սահմանամերձ բնակավայրերը, քարոզել առողջ ապրելակերպ, նպաստել ճանաչողական բնույթի ծրագրերի, ինչպես նաև` մշակութային և սպորտային միջոցառումների անցկացմանը, հասանելի դարձնել տարբեր պատմամշակութային օջախներում շրջայցերը, տարածել հայրենասիրական գաղափարներն ու արժեքները, ինչպես նաև` արդյունավետ կերպով կազմակերպել երիտասարդների ազատ հանգիստը: 
Երիտասարդական միջոցառումների աջակցման կենտրոն կարող են դիմել բոլոր այն հասարակական կազակերպությունները, ոչ պետական և պետական ԲՈՒՀ-երի ուսանողական միավորումները, ուսանողական խմբերը, միջին մասնագիտական կրթօջախների ուսանողական միավորումները, ինչպես նաև 18-35 տարեկան երիտասարդական խմբերը, անհատները և ազգային փոքրամասնությունների ներկայացուցիչները` երիտասարդների, նրանց անմիջական հարցերի ու հիմնախնդիրների վերաբերյալ ներկայացնելով իրենց նախագծերը: 
Ցանկացողները կարող են լրացնել հայտը և պահանջվող փաստաթղթերով ներկայացնել Երիտասարդական միջոցառումների աջակցման կենտրոն`մինչև սահմանված վերջնաժամկետը:
Դրամաշնորհի առավելագույն գումարը 
Դրամաշնորհի գումար է սահմանվել. 
1. Հասարակական կազմակերպությունների, պետական և ոչ պետական ԲՈՒՀ-երի ուսանողական միավորումների, միջին մասնագիտական կրթօջախների ուսանողական միավորումների համար առավելագույնը 500.000 ՀՀ դրամ 
2. Երիտասարդական միավորումների խմբերի և անհատների համար առավելագույնը  200.000 ՀՀ դրամ 
*Առանձին դեպքերում, երբ ակնկալվող գումարը գերազանցում է սահմանվածը` հայտը ենթակա է քննարկման կենտրոնի փորձագետների կողմից 
Հայտերն ընդունվում են 2013թ. մարտի 7-ից 30-ը 
Դրամաշնորհների տրամադրման գործընթացը մեկնարկում է ս.թ. ապրիլի 15-ից 
Հասցե՝ Ծ. Իսակովի 9, 8-րդ հարկ Հեռ. 010 58-82-88, ներքին 130 
Էլ. Հասցե` [email protected] 

*Էլեկտրոնային տարբերակով հայտերը չեն ընդունվում 
Ծրագրի ղեկավար` ԲՀԿ Երիտասարդների Միության նախագահ, ՀՀ ԱԺ պատգամավոր Վահե Էնֆիաջյան 
Ծրագրի պատասխանատու` Հրաչյա Բասմաջյան