Հայ համայնքի ներկայացուցիչների մեծարման երեկո Պրահայում

● Լրահոս

07.03.2013 ● 19:43

Հայ համայնքի ներկայացուցիչների մեծարման երեկո Պրահայում

Մարտի 5-ին Պրահայում ՀՀ դեսպանությունում կայացավ Չեխիայի հայ համայնքի ներկայացուցիչների մեծարման երեկո:

Միջոցառման ընթացքում Չեխիայում եւ Սլովակիայում ՀՀ դեսպան Տիգրան Սեյրանյանը հանդիսավոր պայմաններում Չեխիայի հայկական համայնքում հասարակական ակտիվ գործունեություն ծավալելու եւ Հայաստան-Սփյուռք գործակցության զարգացման եւ հայապահպանության գործում ունեցած ավանդի համար ՀՀ Սփյուռքի նախարարի պատվոգրեր հանձնեց չեխահայ մի շարք մշակութային եւ հասարակական գործիչներին:

Չեխիայի հայ համայնքի մի շարք ներկայացուցիչներ պարգեւատրվեցին ՀՀ արտաքին գործերի նախարարի շնորհակալագրերով Չեխիայում ՀՀ դեսպանության հիմնադրման եւ գործունեության ընթացքում ցուցաբերած աջակցության համար:

Իր շնորհավորական խոսքում դեսպանը նշեց, որ «թեեւ ինստիտուցիոնալ առումով համայնքային կառույց դեռեւս չկա, բայց այստեղ կա կայացած համայնք` իր ազդեցիկ ներկայացուցիչներով»: Նա կոչ արեց ներկաներին էլ ավելի համախմբվել հայոց պետականության եւ եկեղեցու շուրջ:

Շնորհակալական խոսքերով հանդես եկան պարգեւատրվածները: Շատերը նշեցին, որ այս պարգեւները պարտավորեցնող են եւ պատրաստակամություն հայտնեցին ավելի մեծ եռանդով շարունակելու իրենց աշխատանքները:

Այնուհետեւ տեղի ունեցավ համերգ հայազգի երաժիշտների մասնակցությամբ, ինչպես նաեւ ընդունելություն:

● Այս խորագրի վերջին նյութերը

Կողբում հանրային սննդի օբյեկտի գործունեություն է կասեցվել

05.11.2024 ● 19:02

Տեսչական մարմնի ղեկավարի որոշմամբ՝ հանրային սննդի օբյեկտի արտադրական գործունեությունը կասեցվել է, հայտնաբերված խախտումները վերացնելու համար սահմանվել է ժամկետ։

Գերմանիայում չեն կարողանում գտնել հաջողակին, որը վիճակախաղով 1,1 մլն եվրո է շահել

05.11.2024 ● 18:45

Գերմանիայում վիճակախաղի շահումները չեն հարկվում, քանի որ դրանք հիմնված են հաջողության վրա:

Մոսկվան, ի տարբերություն արևմտյան կեղծավոր միջնորդների, Երևանին և Բաքվին չի դրդում հապճեպ խաղաղության պայմանագիր կնքել. Լավրով

05.11.2024 ● 18:03

ՌԴ-ն վստահ է, որ հապճեպ խաղաղությունը՝ առանց Բաքվի և Երևանի դիրքորոշումների, ինչպես նաև տեղում իրողությունների համակողմանի դիտարկման, ոչ մի լավ բանի չի հանգեցնի։