Ամփոփվեցին «Մետաքսե ճանապարհի մարտահրավեր» բլոգերների միջազգային մրցույթի արդյունքները: Հայաստանն, ի դեմս Հայաստանի ազգային մրցունակության հիմնադրամի, հանդիսանում է մրցույթի գլխավոր հովանավորը: 

Միջազգային ժյուրիի որոշմամբ լավագույն բլոգի մրցանակի հաղթող ճանաչվեցին «The Flaneur» բլոգի հեղինակ Ջոնաթան Փաուելը իր «Ուզում եմ ուտել Հայաստանում» բլոգային նյութի համար և «There’s So Much to See» բլոգի հեղինակ Նայլահ Հայուարդը իր «Լիբանանյան մուղրաբիե» վերնագրով նյութի համար:
Փաուելի և Հայուարդի նյութերին կարելի է ծանոթանալ հետևյալ հղումներով՝ http://flaneur.me.uk/11/the-silk-road-i-want-to-eat-in-armenia-silkroad2012/, http://www.theressomuchtosee.com/2012/11/lebanese-moghrabieh.html:

Հիշեցնենք, որ հաղթած 2 բլոգերները հնարավորություն կունենան առաջիկայում այցելելու Հայաստան, ապա իրենց տպավորություններն ու բացահայտումներն արտացոլել իրենց բլոգերում:

 Հայաստանի ազգային մրցունակության հիմնադրամի Հանրային կապերի գրասենյակ