ԱԺ այսօրվա նիստում օրենսդիրն առաջին ընթերցմամբ հաստատեց «Աժ կանոնակարգ» օրենքում փոփոխություններ կատարելու մասին» օրինագիծը, որով այսուհետ պատգամավորների անհարգելի բացակայությունների հարցը քննարկելու է էթիկայի հանձնաժողովը:

Ընդդիմադիր խմբակցությունները դեմ քվեարկեցին օրենքի նախագծին: ԲՀԿ խմբակցության քարտուղար Նաիրա Զոհրաբյանը հերթական անգան շեշտեց, որ ԲՀԿ-ն դեմ է էթիկայի հանձնաժողովին գերհնարավորություններ տալու հանգամանքին։  «Շատ խիստ եք, տիկին Զոհրաբյան»,– ի պատասխան արձագանքեց ԱԺ նախագահ Հովիկ Աբրահամյանը։

Նշենք, որ ՀՀԿ խմբակցության ղեկավար Գալուստ Սահակյանը նույնպես հայտարարել էր, որ դեմ է պատգամավորների բացակայությունների հարցն էթիկայի հանձնաժողովում քննարկելուն, բայց ՀՀԿ խմբակցությունն ամբողջությամբ կողմ քվեարկեց օրինագծին:   

Օրենքի նախագիծն առաջին ընթերցմամբ հաստատվեց 59 կողմ, 32 դեմ և 2 ձեռնպահ ձայներով: