Այս պահին ՀՀ կառավարության նիստերի դահլիճում շարունակվում է ՀՀՇ 18-րդ արտահերթ համագումարը, որին ներկա է նաև ՀՀ առաջին նախագահ Լևոն Տեր -Պետրոսյանը։ Համագումարի պատվիրակներն այժմ քննարկում են ՀՀՇ–ն Հայ ազգային կոնգրես կուսակցության ստեղծմանը միանալու հարցը։ ՀՀՇ վարչության նախագահ Արամ Մանուկյանը պատասխանում է կուսակցականների հարցերին, որոնք բազմաթիվ են։

Արամ Մանուկյանն ընդգծել է, որ փոխանցում է ՀՀՇ 40 տարածքայի կառույցների կարծիքը. ՀԱԿ կուսակցությանը միանալով ՀՀՇ–ն չի կորցնի իր տարիների պատմական ժառանգությունը։ Նա նաև վստահեցրել է, որ այս անհրաժեշտությունը ծագել է զուտ քաղաքական իրատեսությունից ելնելով. այսպիսով կապահովվի սերնդափոխությունը, այս նոր կառույցը լինելու է ավելի ազատական, պետք է պահել մարդկային ռեսուրսը, այլապես փորձելու են նրանց տանել այլ ուղղություններով և այլն։

Արամ Մանուկյանը հիշեցրել է նաև Լևոն Տեր–Պետրոյսանի խոսքերը, որ այս նոր կառույցը ավելի շատ միություն է, պարզապես օրենսդրությամբ այն պետք է լինի կա՛մ կուսակցություն, կա՛մ հասարական կազմակերպություն։

Ընդգծվել է նաև, որ ՀԱԿ–ին սատարող ակտիվիստները մի քանի անգամ շատ ավելին են, քան ՀԱԿ անդամ կուսակցությունների բոլոր անդամները։

7or.am