«Ժառանգություն» խմբակցության նախկին պատգամավոր Լարիսա Ալավերդյանի համոզմամբ՝ փետրվարի 18–ի ընտրություններով կփակվի  անօրինական ընտրությունների շարքը: Նա կարծում է, որ հասարակությունը հասունացել է և հստակ ձևավորել իր նոր  որակը:

–Ժողովուրդը, նայելով 7–հոգանոց ցուցակը,  ընտրել է նրան, ում ճանաչում է: Անկախ նրանից՝ առաջնորդը սխալներ անո՞ւմ է, թե չէ, շատ կարևոր է թիմը։ «Ժառանգության» թիմին, անկախ նրանից, որ ունեցել է սայթաքումներ, կնախանձի ցանկացած կուսակցություն,–ասել է Լ. Ալավերդյանը:

Րաֆֆի Հովհաննիսյանին Սերժ Սարգսյանի հրավերի ձևն էլ նա անհաջող համարում և հույս հայտնում, որ ամեն ինչ կընթանա առանց բախումների.

–Սերժ Սարգսյանը միշտ խուսափել է բախումներից: Եթե գնան  փոխզիջման, և գործադիրի կազմում աշխատի «Ժառանգությունը», ապա  դա վատթարագույնը կլինի: Փակուղուց դուրս գալու ելքը ոչ թե համագործակցությունն է իշխանության հետ, այլ ԱԺ  նոր ընտրությունների հայտարարումը և խորհրդարանի լուծարումը:

7or.am