ԱԻՄ նախագահ, ՀՀ նախագահի թեկնածու Պարույր Հայրիկյանը մինչև վերջին օրերը ահաբեկչական գործողություններն ու ընտրությունները համարում էր սովորական երևույթ, բայց հիմա հասկացել է, որ դա այդքան էլ սովորական չէ, և պետք է համահունչ պատասխան տալ կատարվածին: Այս մասին Հայրիկյանն ասել է այսօր լրագրողների հետ հանդիպման ժամանակ։

–Տեսականորեն կարծես բոլորին ձեռնտու էր. մի թեկնածու էլ պակասեց։ Բոլոր թեկնածուներն իրենց պահվածքով ցույց տվեցին, որ իրենք կողմ են իմ դեմ մահափորձին: Եթե ես լինեի, ապա կդադարեցնեի քարոզարշավը, մինչև թեկնածուն վերականգնվեր: Որևէ թեկնածուի վրա մազաչափ կասկած չունեմ: Իսկ ձերբակալվածների նկարներին չեմ նայել, քանի որ նրանք տասներորդ աստիճանի կատարողներ են: Կուզեի իմանալ՝ պատվիրատուն ով է:

Հայրիկյանը նաև վերահաստատել է նախագահ դառնալուց 6 ամիս հետո հրաժարական տալու իր մտադրությունը, սակայն ավելացրել է.

–Մինչև վեց ամսվա ընթացքում կազմակերպելու եմ Սահմանադրական բարեփոխումներ, խորհրդարանական ընտրություններ, վարչապետի և փոխվարչապետի ընտրություն և հրաժարական եմ տալու: Եթե վեց ամսում չհասցրեցի, կանեմ ոչ ուշ, քան երկու տարում:

7or.am