Ինքնաբացարկ հայտնած ՀՀ նախագահի նակին թեկնածու Արամ Հարությունյանն այսօր լրագրողների հետ հանդիպման ժամանակ ընդգծել է, որ այս քարոզարշավով թեկնածուներն ինքնաոչնչացման մրցակցության մեջ են մտել:

–Սերժ Սարգսյանը Րաֆֆի Հովհաննիսյանին, Հրանտ Բագրատյանին և Պարույր Հայրիկյանին գուրգուրում էր, որ նրանք ընտրություններից հետո շնորհավորեն իրեն։ Բայց եռանկյունիում սկսեցին իրար քննադատել: Պատճառը՝ հիվանդի սիրտը տանձ է ուզում, Պարույր Հայրիկյանն էլ ուշադրություն էր ուզում, Հրանտ Բագրատյանը Հայրիկյանի սիրտը կոտրել է, Րաֆֆի Հովհաննիսյանի սիրտն էլ երկրորդ փուլ է ուզում,–ասել է Ա. Հարությունյանը՝ նկատելով, որ թեկնածուներն իրենց համարժեք չեն պահում, ինչն էլ խախտում է  իշխանությունների նյարդային համակարգը: 

Նա նաև վստահություն է հայտնել, որ այժմ դաշտը մաքրված է, կեղծ ընդդիմադիրները՝ բացահայտված, ինչը փետրվարի 18–ի ընտրություններից հետո նոր գործընթացների սկսվելու հիմք է:

7or.am