Այսօրվա ասուլսիս կառավարման փորձագետ Հարություն Մեսրոբյանը նշել է, որ այդպես էլ պարզ չդարձավ, թե  ՀՀ նախագահի թեկնածուները ինչ թիմով են պատրաստվում գալ կառավարման:

«Ընտրարշավի ժամանակ միայն ծրագրեր ներկայացնելն ու բաժակաճառեր ասելը բավարար չէ։ Ենթադրենք այլ նախագահ է լինելու, մենք գոնե չիմանա՞նք՝ ովքեր են զբաղեցնելու ամենակարևոր պաշտոնները: Ընդհանրապես առաջնորդ ընտրելիս մեծ դեր է խաղում նրա շրջապատը: Քանի որ մեզ չեն ներկայացվում նրանց թիմերը, այստեղից հետևություն, որ այս քարոզարշավին պետք չէ շատ լուրջ վերաբերել»,- ասել է բանախոսը։

Ըստ նրա՝ բոլորը մտել են մրցավազքի մեջ, որ իրենց գինը բարձրացնեն: «Գինը բարձրացնելու երևույթ եմ համարում նաև Պարույր Հայրիկյանի ընտրությունները երկու շաբաթով հետաձգելու մասին ՍԴ ներկայացված դիմումը և դրա հետ կապված որոշման փոփոխությունները»,-ասել է փորձագետը:

7or.am