«Կեղծված ընտրությունների ավանդույթը  հանգեցրեց իշխանության և քաղաքացու  կապի  խզմանը: Ստացվում է այնպես, որ 1,5 մլն մարդ չի կարող ձևավորել իշխանություն»,–այսօրվա ասուլիսին ասել է ՀՀ նախագահի թեկնածու Արման Մելիքյանը։ Նա ընդգծել է, որ այդ  կապի խզման հետևանքով այսօր քաղաքացին  և իշխանությունն այլ կյանքով են ապրում: Բանախոսն առաջարկել է ընտրական այս փուլում զերծ մնալ կեղծարարությունից:

Ինչ վերաբերում է միավորվելու Պ. Հայրիկյանի  կոչին, նախագահի թեկնածուն ասել է. «Այս ամենը խաղ է, քանի որ ընտրությունները թատրոն են: Հայրիկյանը ՍԴ-ը կդիմի, թե ոչ, ով կլինի միասնական թեկնածու, դա կարևոր չէ, քանի որ դա մարդկանց ուշադրությունը  շեղելու համար է: Հիմնական հարցը ընտրությունների օրինականության հարցն է: Սա մկնախաղ է: Ոչ մի թեկնածու այլևս չի կարող ինքնաբացարկ ներկայացնել: Վստահ եմ` Րաֆֆի Հովհաննիսյանի կողմնակիցները ձայն չեն տա Հայրիկյանին,  նույնը նաև Բագրատյանի կողմնակիցները»։

7or.am