«aravot.am»–ի փոխանցմամբ՝ ԵԱՀԿ/ԺՄԻԳ գրասենյակի մոտից նախագահի նստավայր բարձրացող ցուցարարներին Երևանի փոխոստիկանապետ Վալերի Օսիպյանը բացատրել է, որ դա հակասում է հանրահավաքներ անցկացնելու  մասին օրենքին: Ոստիկանները քաշքշել են ակտիվիստներին և թույլ չեն տվել բարձրանալ:

Օսիպյանն ասել է՝ դուք խախտում եք օրենքը, ձեր ակցիան ինքնաբուխ չէ, ակտիվստներն էլ բողոքել են, որ խախտում են ազատ տեղաշարժվելու իրենց իրավունքը:

Միջամտել է ԳԱԱ–ի շենքի մոտ հացադուլի նստած նախագահի թեկնածու Անդրիաս Ղուկասյանը։ Նա  ոստիկաններին առաջարկել է թույլ տան բարձրանալ մինչև Ակադեմիայի մոտ՝ իր հետ հանդիպման: Ոստիկանները չեն ընդառաջել նախագահի թեկնածուին՝ բացատրելով, թե ակտիվիստներն իրենց հավատ չեն ներշնչում, թե նրանք ընդամենն ուզում են Ակադեմիայի մոտ հանդիպել նախագահի թեկնածուին: Քիչ անց փոխոստիկանապետ Օսիպյանը հայտարարել է, որ   ակտիվիստներին  թույլ են տալիս բարձրանալ Բաղրամյան 26՝ միայն դիմացի մայթից:

Այժմ արդեն ակտիվիստները Բաղրամյան 26-ից հեռացել են։

7or.am