-Քաղբանտարկյալները, որոնք երեկ ազատվեցին, ոչ մի վայրկյան չեն դադարեցրել պայքարը։ Պայքարել են բանտերում։ Հիմա էլ նրանք շարունակելու են պայքարը։ Եվ սահմանադրական պայքար ասելով հասկանում ենք, որ պետք է մնալ սահմանադրության շրջանակներում։ Մենք մնացել ենք ո՛չ միայն սահնմանադրության, այլև օրենքի շրջանականերում ի՝ տարբերություն իշխանությունների,-ասել է ՀԱԿ ներկայացուցիչ Դավիթ Շահնազարյանը։

-Այն քաղբանտարկյալները, ում վրա համաներումը չի ազդել, շատ շուտով, վստահ եմ, ազատ են արձակվելու։ Մենք դրա համար պայքարելու ենք քաղաքական և իրավական բոլոր մեթոդներով,-«7օր»-ի հարցին ի պատասխան՝ ասել է Դավիթ Շահնազարյանը։

Նրա խոսքերով՝ ըստ միջազգային օրենքի՝ անօրինական իշխանության դեմ կարելի է պայքերել բոլոր միջոցներով։ ՀԱԿ ներկայացուցիչը, սակայն, հավելել է, որ իր այդ ասածը որպես ՀԱԿ-ի մարտավարության փոփոխություն չպետք է ընդունել։

7or.am