Այսօրվա ասուլիսին «Ազգային համաձայնություն» կուսակցության նախագահ, ՀՀ նախագահի թեկնածու Արամ Հարությունյանը հայտնել է, որ, վաղը պատրաստվում է հացադուլ հայտարարել: «Հացադուլի նպատակն է կոչ անել մյուս բոլոր թեկնածուներին հանել իրենց թեկնածությունը: Դա նաև փորձ է՝ պաշտպանել յուրաքանչյուր ընտրողի իրավունքն ու ժողովրդի քվեն: Ես դա համարում եմ իմ առաքելությունը: Վաղը` ժամը 17.00-ից մինչը հաջորդ օրը ԿԸՀ-ի շենքի առջև հասցադուլ կհայտարարեմ, որից հետո կհանեմ իմ թեկնածությունը: Իմ մտահոգություններն ավելի են խորանում: Ես համոզված եմ, որ եթե Սերժ Սարգսյանը ևս իր թեկնածությունը հանի նա պատմության մեջ կմնա իբրև լավ նախագահ»,-ասել է բանախոսը։

Ինչ վերաբերում է Պարույր Հայրիկյանի դեմ իրականցաված մահափորձին և դրան հաջորդած ԱԻՄ առաջնորդի հայտարարություններին, նախագահի թեկնածուն ասել է. «Երեկվա հայտարարությունից հետո մտահոգություններս ավելի խորացան: Անհասկանալի է այն տեսակետը, թե մահափորձի մեջ ռուսական հետք էին փնտրում, անհեթեություն է թվում այդ ամենը։ Ծավալվող իրադարձությունները պտտվում են մի բանի շուրջ, իսկ իշխանությունները խճճվել են իրենց իսկ ծուղակի մեջ: Փորձում են լարել հայ-ռուսական հարաբերությունները: Սա ոչ մի բան չի տալու Հայաստանին: Միգուցե մեր իշխանություններն ինչ-որ բան փորձում են հասկացնել հենց Հայրիկյանի լեզվով, բայց այդ ամենն անիմաստ է»:

7or.am