Սերբիայի վարչապետից աղմկահարույց պատմություններն անպակաս են։ Դեռևս մի քանի օր առաջ էր, որ Սերբիայի վարչապետ և ՆԳ նախարար Իվիցա Դաչիչի «գլխին սարքել» էին՝ նրան հրավիրելով հարցազրույցի, բայց իրականում թաքնված տեսախցիկի նկարահանումների։ Հեռուստահաղորդման ժամանակ առանց ներքնաշորի հաղորդավարուհին՝ իրականում «Փլեյբոյ» հայտնի ամսագրի նախկին ֆոտոմոդելը, շփոթեցրել էր նրան։ Այդ տեսագրությունը համացանցում մեկ օրվա ընթացքում մոտ 1,3 միլիոն դիտում էր ունեցել։

Այժմ էլ նույն Դաչիչը հայտնվել է քաղաքական աղմկահարույց պատմության կիզակետում։ Նա կասկածվում է նարկոբիզնեսի հետ կապ ունենալու մեջ:

Իրավապահ մարմինները մի տեսանյութ են հայնաբերել, որտեղ  պատկերված է, թե ինչպես է 2008թ. Դաչիչը հանդիպել թմրանյութերի բիզնեսի գործարար Ռոդոլյուբ Ռադուլովիչի հետ։

Վարչապետը խոստովանել է, որ իրոք հանդիպել է, բայց պնդել է, թե չի իմացել նրա հանցավոր գործունեության մասին:

Հնարավոր է, որ այս պատմության պատճառով վարչապետը հրաժարական ներկայացնի, և սերբիայում նոր խորհրդարանական ընտրություններ նշանակվեն: