-Նրանք որքան ուզում են երկար պահեն Սասուն Միքայելյանին, իրենք են իրենց վարկաբեկում,- Սարյանի արձանի հարևանությամբ հրավիրված հանդիպման ժամանակ ասել է ԱԺ պատգամավոր Հակոբ Հակոբյանը, ով ընդամենը մի քանի ժամ առաջ է ազատ արձակվել կալանավայրից:

-Բոլորս էլ լավ գիտենք, թե ինչի համար ենք դատապարտվել: Կարևորը՝ ժողովրդի 99 տոկոսը  լավ գիտի, ընդունում է մեր արած քայլը:

Հարցին, թե ինչու Սասուն Միքայելյանի նկատմամբ այդպես վարվեցին, Հ. Հակոբյանը պատասխանել է.

-Ինչ տարբերություն, մի քանի ամիս հետո էլ իրեն են բաց թողնելու:

Հակոբ Հակոբյանն ասել է նաև, թե այս ամիսների ընթացքում իր պատգամավոր գործընկերների արած և չարած քայլերից չի նեղանում: