Սրտի խոր ցավով տեղեկացա  կաշվե ձեռնոցի  անզուգական վարպետ, Մելբուռնի օլիմպիական խաղերի չեմպիոն Վլադիմիր Ենգիբարյանի մահվան մասին: Նրան համարում էին համաշխարհային բռնցքամարտի հեղափոխական, քանզի առաջինն էր, ով կոպիտ ուժին և բիրտ հարվածների փոխանակմանը  հակադրեց նուրբ տեխնիկա  և ռինգում տեղաշարժվելու յուրատեսակ ոճ: Նա  միայն  իրեն բնորոշ վարպետությամբ  և խոսուն հաղթանակներով  համաշխարհային մարզասերին է ներկայացրել բռնցքամարտի հայկական դպրոցը և տարածել նրա փառքը:

Հազարավոր այն պատանիներից մեկն եմ, ում բախտ է վիճակվել լինել նրա հիմնադրած ու ղեկավարած մարզադպրոցի սանը, հաճախ ունկնդրել նրա մասնագիտական դասերը, ականատեսը լինել նրա ցուցադրած տեխնիկատակտիկական տարրերին:

Անձամբ իմ և հայոց մարզաշխարհի մարդկանց անունից խորապես ցավակցում եմ Վլադիմիր Ենգիբարյանի ընտանիքին, հարազատներին ու բարեկամներին:                                                                 

ԳԱԳԻԿ  ԾԱՌՈՒԿՅԱՆ

ՀԱՕԿ –ի նախագահ