Ազգագրագետ Հրանուշ Խառատյանը «Ֆեյսբուքի» իր էջում գրել է.

«Շատ ճիշտ է ասում պարոն Հովհաննես Թեքգյոզյանը, հենց այսպես է, որ իշխանությունը բարոյազրկում է հասարակությունը: Մի կողմից` արտամղելով իրենց «չհարմարվողներին», մյուս կողմից` մեծացնելով հարմարվողների բանակը: Սա հենց այն է, ինչ վստահ մերժում է «ինչ հասարակություն ունենք, այդպիսին էլ իշխանությունն է» արտահայտության իրավունքը, հաստատելով իրականը` «ցանկացած իշխանություն ձևավորում է իր պատճեն հասարակություն»: Միայն թե «չեբուրաշկաները», «Մովսեսի քրմուհիները» հետագայում պիտի խնդրեն «հին դարմանը քամուն չտալ», ինչպես Նաիրի Զարյանն ու Հրաչյա Քոչարը կոչ էին անում Գուրգեն Մահարուն և իրենց ձեռքով բռնապետական իշխանության քմահաճույքին հանձնված այլ գրողների և նրանց զավակներին: «Հին դարմանը քամուն տալը» հաճախ բալասան է նոր դարմանի համար: Եթե ստալինյան շրջանի «հին դարմանը» քամուն տրվեր, այսօր անհամեմատ քիչ կլինեին չեբուրաշկաները...»։