«Ժառանգություն» կուսակցության փոխնախագահ Արմեն Մարտիրոսյանն այսօր հրավիրված ասուլիսում նշել է, որ ՀՀ նախագահ Սերժ Սարգսյանին ուղղած «Ժառանգության» առաջնորդ Րաֆֆի Հովհաննիսյանի նամակին պատասխանել է ԱԺ նախագահ Հովիկ Աբրահամյանը:

Ա. Մարտիրոսյանն ընդգծել է, որ այդ պատասխանն իրենց չի բավարարում և չի լուծում նամակում արծարծված խնդիրները։

–Բացառությամբ ԶԼՄ-ներին վերաբերող կետի։ Հեռուստատեսությունը նախորդ ընտրությունների համեմատ ավելի ազատ է,–ասել է Ա. Մարտիրոսյանը:

Ինչ վերաբերում է նախագահի՝ հացադուլ հայտարարած մեկ այլ թեկնածու Անդրիաս Ղուկասյանին՝ «Ժառանգության» ներկայացուցիչը խոստովանել է, որ անձամբ ինքը դժվար թե կարողանար հացադուլի նստել, անգամ ծոմ չի կարողանում պահել.

–Բայց եթե քաղաքացին որոշել է պայքարի այդ ծանր ձևն ընտրել, որը հակաօրինական չէ, ես նրան միայն առողջություն եմ մաղթում: Բայց առավել արդյունավետ կլիներ, եթե նա քաղաքական ակտիվություն ցուցաբերեր և շփվեր իր ընտրողների հետ, ինչը հացադուլը թույլ չի տալիս։

7or.am