Հունվարի 20-ին, ժամը 17.35-ին տեղեկություն է ստացվել, որ ժամը 16.00-ի սահմաններում թունավորումով Գյումրի քաղաքի ինֆեկցիոն հիվանդանոց են հոսպիտալացվել նույն քաղաքի Կոշևոյ փողոցի թիվ 15 տան և Անտառային 3-րդ թաղամասի թիվ 26 շենքի 55-րդ բնակարանի բնակիչներ` 1980 թ. ծնված Դիանա, 1973 թ. ծնված Գեորգի Մանուկյանները և 1974 թ. ծնված Անժելա Մինասյանը:

Բժիշկները տուժածների առողջական վիճակը գնահատել են միջին ծանրության:

Նույն օրը, ժամը 18.29-ին տեղեկություն է ստացվել, որ ժամը 17.35-ի սահմաններում թունավորումով Գյումրի քաղաքի բժշկական կենտրոն են հոսպիտալացվել Ախուրյան գյուղի Կոմիտաս 1-ին փողոցի թիվ 3-րդ տան բնակիչներ` 1995թ. ծնված Գոհար Սարգսյանը, 1968թ. ծնված Հայկուշ Սահակայնը և 1963թ. ծնված Ալլա Կոստանյանը:

Բժիշկները տուժածների առողջական վիճակը գնահատել են միջին ծանրության:

Թունավորում Եղեգնաձոր քաղաքում

Հունվարի 20-ին, ժամը 19.46-ին տեղեկություն է ստացվել, որ թունավորումով Վայոց Ձորի մարզի Եղեգնաձոր քաղաքի հիվանդանոց է հոսպիտալացվել Եղեգնաձոր քաղաքի բնակիչ` 1938 թ. ծնված Աբով Մովսիսյանը, ով հիվանդանոցում մահացել է: