Մահացել է ապօրինի որս կատարելու ընթացքում արձակված կրակոցից

● Լրահոս

19.01.2013 ● 12:10

Մահացել է ապօրինի որս կատարելու ընթացքում արձակված կրակոցից

Հունվարի 17-ին՝ ժամը 22։30-ին, ոստիկանության Տավուշի բաժնում ահազանգ էր ստացվել, որ «Քուսականց կապեր» կոչվող հանդամասում հայտնաբերել է 1961թ. ծնված Սերոժ Հովհաննիսյանի դիակը՝ աջ ազդրի թափանցող հրազենային վնասվածքի հետքով:

Հունվարի 18-ին ոստիկանության Տավուշի մարզային վարչության, Տավուշի քննչական բաժանմունքի և Տավուշի բաժնի ծառայողների կողմից համատեղ ձեռնարկված քննչական և օպերատիվ-հետախուզական միջոցառումների շնորհիվ պարզվել է, որ հունվարի 17-ին՝ ժամը 15։30-ի սահմաններում, Արծվաբերդի անտառպետության Նավուրի պահաբաժնի անտառապահ, 1980թ. ծնված Կարեն Ջ.-ն, 1969թ. ծնված Արմեն Ղ.-ն և Սերոժ Հովհաննիսյանը ապօրինի որս կատարելու նպատակով գնացել են Արծվաբերդի անտառպետության թիվ 3 պահաբաժնի «Քուսականց կապեր» կոչվող տարածք, որտեղ Արմեն Ղ.-ն իր ձեռքին եղած, ապօրինի պահվող 16 մմ տրամաչափի մեկփողանի «ԻԺ-18 Ե» տիպի ողորկափող հրացանից անզգուշությամբ կրակել և հրազենային վնասվածք է պատճառել Սերոժ Հովհաննիսյանին, որի հետևանքով վերջինս տեղում մահացել է:

Արմեն Ղ.-ն ձերբակալված է:

Հրացանն առգրավված է:

Կատարվում է նախաքննություն:

● Այս խորագրի վերջին նյութերը

Կրկնակի վրաերթ՝ Էջմիածնի Զվարթնոց թաղամասում․ հետիոտնին նախ հարվածել է «BMW»-ն, ապա՝ «Opel»-ը

05.11.2024 ● 13:07

Վարորդները փախուստի չեն դիմել և օգնել են դեպքի վայր ժամանած շտապօգնության բուժանձնակազմին:

Վերին Լարսը փակվել է կցորդիչով բեռնատարների համար

05.11.2024 ● 12:59

Վրաստանը Մցխեթա–Ստեփանծմինդա–Լարս ավտոճանապարհի ամենավտանգավոր հատվածը (Գուդաուրի–Կոբի) շրջանցող ճանապարհ է կառուցում։ Խոսքը ինը կիլոմետրանոց թունելի մասին է։