Ս/թ հունվարի 18-ին ՀՀ ԳԱԱ Ֆիզիոլոգիայի ինստիտուտում տեղի ունեցավ  «Երիտասարդ կենսաբանների ասոցիացիա» ՀԿ–ի և  «ԱՐՓԱ» ինստիտուտի /ԱՄՆ/ համատեղ կազմակերպած առաջին առցանց դասախոսությունը:

Օգտագործելով համացանցի հնարավորությունները` ԱՄՆ-ից առցանց դասախոսությամբ հանդես եկավ մեր հայրենակից պրոֆ. Զավեն Կապրիելյանը /ՙ«Ալբերտ Էյնշտեյն» բժշկական քոլեջ, ԱՄՆ/: Դասախոսության թեման էր՝ Աքսոնային կառավարումը կենտրոնական նյարդային համակարգի զարգացման միջնափուլում:

Փաստելով կենսաբանության ոլորտում այս աննախադեպ նախագծի հաջողված փորձը՝  ՙԵրիտասարդ կենսաբանների ասոցիացիա՚ ՀԿ և ՙԱՐՓԱ՚ ինստիտուտը նախատեսում են շարունակական դարձնել առցանց դասախոսությունները, ինչը հնարավորություն կտա երիտասարդ գիտնականներին տեղեկանալ աշխարհի տարբեր գիտական հիմնարկներում աշխատող ինչպես հայ, այնպես էլ այլազգի  առաջատար գիտնականների գործունեության և գիտության վերջին ձեռքբերումների մասին:

«Երիտասարդ կենսաբանների ասոցիացիա» ՀԿ