Որպես նախագահի թեկնածու առաջադրված, բայց ընտրագրավը չմուծելու պատճառով ԿԸՀ–ի կողմից չգրանցված թոշակառու Պավլիկ Սարգսյանն այսօր հրավիրված ասուլիսում հայտարարել է, որ ընտրագրավը խաղատանը հատուկ խաղամոլություն է, իսկ ինքը նման հակաօրինական, հակասահմանադրական և անբարո արարքի չի կարող գնալ։ Փոխարենը, Պ. Սարգսյանը ինքնայրվելու պատրաստակամություն է հայտնել, միայն թե երիտասարդ սերունդը կարողանա դիմակայել ներկա թոհուբոհին։

–Բնության մեջ հիրիկ բույս կա, որը խաղաղ աճում, մեծանում է։ Բայց մի օր կողքից մոլախոտերը այնքան են շատանում, որ չեն թողնում աճի: Բնական ինքնակիզման միջոցով այդ բույսը սերմերին հնարավորություն է տալիս ծլելու: Հիմա մոլախոտերն իշխանական ուժերն են։ Ես ինձ դնում եմ ազգային իրավունքի զոհասեղանին: Հիրիկը ես եմ: Ես պատրաստ եմ այրվելու,–հայտարարել է նա։

Թոշակառուն իրեն համեմատել է նաև կույսի հետ՝ հիշեցնելով հեքիաթը, որտեղ աղբյուրի մոտ կանգնած հրեշը ամեն անգամ ջուր վերցնելու համար մարդկանցից կույս աղջիկ է պահանջում։ Եվ միայն թագավորի կույս աղջիկն է փրկում իրավիճակը։

–Ես թագավորի այդ կույս աղջիկն եմ,–ասել է նա:

Պ. Սարգսյանը նույնիսկ նշել է, որ պատաստ է եղել այնպիսի ծայրահեղ միջոցի, ինչպիսին ռուսաստանյան հայնտի քրեական հեղինակություն Դեդ Հասանին դիմելն է.

–Մեր երկրում այստեղ գողական օրենքներն են գործում: Ուզում էի Դեդ Հասանին դիմեի, քանի որ նա ավելի արդարացի վճիռ կկայացներ, քան մեր իշխանությունները։ Այն էլ խեղճ մարդուն սպանեցին:

7or.am