ՀՀԿ–ական պատգամավոր Համլետ Հարությունյանը վարչապետի փոփոխության մասին հարցն առաջարկում է տալ մայիսի, և եթե ինքը «սաղ լինի, կպատասխանի»։

–Այժմ վարչապետի փոփոխության մասին խոսակցություններն ավելորդ են,–այսօր լրագրողներին ասել է Հ. Հարությունյանը,–ի՞նչ է արել վարչապետը, ի՞նչ եք ուզում էդ վարչապետից: Ով հելնում, ասում է՝ վարչապետին փոխելու են: Ախր նա իր ողջ կեցվածքով արժանի չէ փոխվելու,–ընդգծեց Հ. Հարությունյանը:

Ինչ վերաբերում է նախագահի թեկնածու, էպոսագետ Վարդան Սեդրակյանի՝ «Լեքսուս» մակնիշի ավտոմեքենա գնելուն, ՀՀԿ–ական պատգամավորն ընդգծել է.

–Էդ «Լեքսուս»–ները հեշտ է ձեռք բերելը: Երբ ես «Լեքսուս» էի քշում, էպոսագետը սկի էշ չուներ: Դրանք ժամանակավոր բաներ են:

Հ. Հարությունյանը զառանցանք է համարել էպոսագետի պնդումը, թե Աստծուց պատգամ է ստացել, որ ՀՀ 4-րդ նախագահն ի՛նքն է լինելու:

7or.am