Քաղաքագետ Ալեքսանդր Մանասյանն այսօր լրագրողների հետ հանդիպման ժամանակ Ղարաբաղի մասին Վրաց պատրիարք Իլիա Երկրորդի խոսքերի մասին տեղեկությունը Բաքվի կողմից իրականացված քաղաքական կեղծիք և ապատեղեկատվություն է որակել, որին Ադբեջանն առաջին անգամը չէ, որ դիմում է։

–Ադրբեջանը տարբեր խոսքեր է վերագրել օտարերկրացի քաղաքական և պետական գործիչներին: Սա Ադրբեջանի ստի քաղաքականության մասն է,-ասել է նա:

Որոշ ԶԼՄ–ներ գրել էին, որ Վրաստանի հոգևոր առաջնորդը հայտարարել է, թե Ղարաբաղը եղել է և կմնա Ադրբեջանի կազմում, ինչը, սակայն, Իլիա Երկրորդը հետո հերքել է:

Քաղաքագետը չի բացառել, որ Վրաստանի հոգևոր առաջնորդը նեղ շրջապատում  իրականում նման հայտարարություն արել է, օրինակ՝ ադրբեջանցիների ականջը շոյելու համար, և իհարկե՝ սկանդալ կծագի, եթե պարզվի, որ այդ հայտարարության ձայնագրությունը կա՛։ Նրա խոսքերով՝ որ կողմն էլ որ ճիշտ ասողը լինի, ի վերջո սուտասանը կբացահայտնվի:

 7or.am