ՀՀ կենտրոնական ընտրական հանձնաժողովն այսօրվա իր արտահերթ նիստում որոշել է 2013թ. փետրվարի 18-ին կայանալիք նախագահական ընտրություններին առաջադրված թեկնածուներին լրացուցիչ 48 ժամ տրամադրել, որպեսզի նրանք կարողանան մինչև հունվարի 10-ը՝ ժամը 14:00-ն, 8 մլն դրամ ընտրագրավը մուծել:

Ավելի վաղ սահմանված ժամկետում՝ մինչև դեկտեմբերի 4–ը, ՀՀ նախագահի թեկնածու առաջադրված Տարոն Աբրահամյանը, Ռոբերտ Ահարոնյանը, Ռուբեն Այվազյանը, Մհեր Հայրապետյանը, Արամ Հարությունյանը, Նարինե Մկրտչյանը, Պավլիկ Սարգսյանը և Ռոբերտ Սիմոնյանը, ենթադրվում է, չէին կարողացել վճարել ընտրագրավը՝ տոն օրերին բանկերի չաշխատելու պատճառով։ Առաջադրված 15 թեկնածուներից միայն 7–ն էին փաստաթղթերը ներկայացրել։

Իր հերթին թեկնածուներից Պավլիկ Սարգսյանն այսօրվա նիստում հայտարարել է, որ ընտրագրավի պահանջը սահմանափակում է ընտրվելու իր իրավունքները, քանի որ ինքը նարկոման, հարբեցող, հանցագործ և սոցիալապես ապահովված չէ, հետևաբար չի կարող մուծել ընտրագրավը։

7or.am