ԲՀԿ նախագահ Գագիկ Ծառուկյանի մամուլի քարտուղար Իվետա Տոնոյանը «zham.am»–ի հետ զրույցում հաստատել է, որ «Կենտրոն» հեռուստաընկերության «Էպիկենտրոն» լրատվական բաժինն այսուհետ կղեկավարի ինքը՝ Պետրոս Ղազարյանի փոխարեն:

«Ես ստանձնել եմ ժամանակավորապես: Նշեմ, որ Պետրոս Ղազարյանը շարունակում է մնալ «Կենտրոն» հեռուստաընկերության կարևորագույն, առանցքային դեմքերից մեկը: Նա շարունակելու իր երեք հեղինակային հաղորդաշարերը և առաջիկայում ունի նոր ծրագրեր»,–ասել է Իվետա Տոնոյանը՝ ի պատասխան հարցի, թե ճի՞շտ է, որ Պետրոս Ղազարյանն ինքն է հրաժարվել լուրերի տնօրենի պաշտոնից՝ նոր քաղաքական նախագծերի պատճառով:

Տոնոյանը հայտնել է նաև, որ «Կենտրոն»-ում տեղի են ունեցել այլ փոփոխություններ ևս. հեռուստաընկերության տնօրենների խորհրդի նախագահ, գլխավոր տնօրեն Արայիկ Կեսոյանին փոխարինել է հեռուստաընկերության գովազդային բաժնի պատասխանատու Գոռ Մարտիրոսյանը: