Շահագործման է հանձնվել ՀՀ պետական  բյուջեի միջոցներով հիմնանորոգված Վայոց ձորի մարզի Վայք  քաղաքի Երիտասարդական  փողոցի կմ0+000 – կմ0+ 780 հատվածը: 
Մինչ վերանորոգումը ճանապարհահատվածը չի ունեցել  ջրահեռացման համակարգ,  անմխիթար վիճակում էին  իջատեղերը, բացակայում էին մայթերն ու  անվտանգության տարրերը: 
Իրականացված  աշխատանքների արդյունքում  նախագծով  նախատեսված  7 մ  լայնությամբ ճանապարհի  երթևեկամասն  ասֆալտապատվել  է երկշերտ  ասֆալտբետոնով,  կառուցվել  է նոր եզրաքարերով 2 մ լայնությամբ երկկողմանի ասֆալտապատ մայթ,  ասֆալտապատվել  են  իջատեղերը, հուշարձան տանող   ուղին՝  իր  հարակից  հրապարակով,  վերականգնվել  է ջրահեռացման  համակարգը, տեղադրվել  են  անվտանգության  տարրեր:
Վերականգնման աշխատանքների արժեքը կազմել է շուրջ  124.38 մլն դրամ։ Պատվիրատուն ՀՀ տրանսպորտի և կապի նախարարության "Տրանսպորտի ԾԻԳ" ՊՀ-ն է, կապալառուն՝ "Վայքի ՃՇՇ" ՓԲԸ-ն։ 
Վերանորոգման աշխատանքների ավարտից հետո ՀՀ տրանսպորտի և կապի նախարարի հրամանով ստեղծվել է ճանապարհահատվածն  ընդունող հանձնաժողով, որում  ընդգրկված էին ՀՀ տրանսպորտի և կապի նախարարության, Վայոց ձորի մարզի մարզպետարանի, "Տրանսպորտի ԾԻԳ" ՊՀ-ի, "Հայաստանի ավտոմոբիլային ճանապարհների տնօրինություն" ՊՈԱԿ-ի, ՀՀ քաղաքաշինության նախարարության աշխատակազմի քաղաքաշինական պետական տեսչության պատասխանատու աշխատակիցներ, նախագծային և տեխնիկական հսկողության կազմակերպությունների ներկայացուցիչներ,  համայնքի ղեկավարը։