Բրիտանացի հայտնի գործարար, «Virgin» կորպորացիայի հիմնադիր միլիարդատեր Ռիչարդ Բրենսոնը մոտ ժամանակներս ստիպված կլինի օդանավում մատուցողի աշխատանք կատարել՝ կրելով կարմիր կիսաշրջազգետս: Բանն այն է, որ դեռևս 2010թ. Բրեսնոնը գրազ է եկել «Air Asia» ավիաուղիների  տնօրեն  Տոնի Ֆերնանդեսի հետ, թե իրենցից որի ավտոմրցավազաքային թիմը վերջնագծին ավելի արագ կհասնի: Բրենսոնի թիմը պարտվել է։ Վնասվածքի պատճառով միլիարդատերը հնարավորություն չի ունեցել կատարելու իր խոստումը, իսկ երկու տարի անց  այնուամենայնիվ  ստիպված է խոսքի տերը լինել. առաջիկայում նա պետք է ստանձնի Կուալա-Լումպուր–Լոնդոն չվերթի մատուցողի դերը և 13 ժամվա ընթացքում ոչ միայն  խմիչքներ առաջարկի, այլ նաև կարմիր կիսաժրջազգեստ կրի: Չվերթի տոմսերը, սակայն, հնարավոր կլինի գնել միայն հատուկ կազմակերպված աճուրդի ժամանակ, իսկ վաստակած գումարը կօգտագործվի բարեգործական նպատակներով: