ՄԱԿ–ում ԱՄՆ-ի մշտական ներկայացուցիչ Սյուզան Ռայսը, ում շատերը համարում էին  ներկայիս պետքարտուղար Հիլարի Քլինթոնի պաշտոնի հավակնորդ, խնդրել է «այդ պաշտոնում իր թեկնածությունը  չքննարկել»։ Այս մասին ասվում է  նախագահ Բարաք Օբամայի գրավոր դիմումում, որը հինգշաբթի տարածել է Սպիտակ տան մամլո ծառայությունը:

Ինչպես նշվում է այդ փաստաթղթում, Սյուզան Ռայսը Օբամայի նոր  աշխատակազմում              կշարունակի ՄԱԿ-ում ԱՄՆ-ի ներկայացուցչի իր աշխատանքը:

«Ես խորապես ցավում եմ վերջին շաբաթների ընթացքում Սյուզան Ռայսի նկատմամբ իրականացված անարդար հարձակումների համար, որոնք ժողովրդին մոլորության մեջ են գցել,-ասել է Օբաման:–Հինգշաբթի ես խոսել եմ Ռայսի հետ, և համաձայնություն եմ տվել նրա որոշմանը՝ այդ պաշտոնում իր թեկնածությունը չքննարկել»:

Օբամայի խոսքերով՝ ինքը շնորհակալ է Սյուզն Ռայսից այն բանի համար, որ նա «շարունակելու  է ծառայել որպես մեր դեսպանը  ՄԱԿ–ում»: