Հայաստանը 2012 թվականին միացել է Ֆրանսիայում  արդեն ավանդական  դարձած «Ամենակարճ օր» կարճամետրաժ ֆիլմերի փառատոնին, որի ընթացքում 10 օր շարունակ (դեկտեմբերի 21-31-ը) երկրի ամբողջ  տարծքում կցուցադրվեն 1000-ից ավելի  ֆրանսիական անիմացիոն, խաղարկային, վավերագրական կարճ` մինչեւ 59 րոպե տեւողությամբ ֆիլմեր: Հայաստանի եւ Ֆրանսիայի  ազգային կինոկենտրոնների միջեւ համագորկցության համաձայնագրի շրջանականերում իրականացվող այս յուրօրինակ կինոակցիան եւս մեկ հնարավորություն է ընձեռում հայ հանդիսատեսին ծանոթանալու ֆրանսիական կինոյին:  Ֆրանսիացիների այս հետաքրքիր եւ ուսանելի ակցիային  անցյալ տարի արդեն միացել են 12 երկիր, իսկ այս տարի դրանց թիվն արդեն  40 է:

Երեւանում, ազգային կինոկենտրոնի նախաձեռնությամբ ընտրված յոթ վայրերում (Երեւանի կինոյի եւ թատրոնի պետական իստիտուտ, Սլավոնական համալսարան, Նարեկացի արվեստի կենտրոն, “Նաիրի” կինոթատրոն, Ալիանս Ֆրանսեզ կազմակերպություն, ATV եւ Հ1 հեռուստատեսությունները) կիրականացնեն ֆրանսիական ֆիլմերի ցուցադրությունը: Ֆրանսիական կողմից ներկայացված 187 ֆիլմից ցուցադրության համար ընտրվել եւ հաստավել է 70-ը: Յուրաքանչյուր կազմակերպություն, արդեն ընտրված 70 ֆիլմից կկազմի իր  կինոծրագիրը: Կինոցուցադրումները կմեկնարկեն դեկտեմբերի 21-ից եւ կշարունակվեն մինչեւ դեկտեմբերի 31-ը:

Հայաստանի ազգային կինոկենտրոնի մամուլի ծառայություն