Ֆրանսիայի թանգարանի աշխատակիցները հին գրքերի մեջ հայտնաբերել են իտալացի հանրաճանաչ նկարիչ Լեոնարդո Դա Վինչիի նկարը, որի վրա պատկերված կինը նրա մեկ այլ կտավի՝ «Մոնա Լիզայի» հերոսուհին է։ Խոսքը գնում է հանրահայտ «Ջոկոնդայի» մասին։ Թանգարանի աշխատակիցները հայտնաբերլ են մեկ այլ նկար, որտեղ Մոնա Լիզան մերկ է։ Գիտնականները ապացուցել են, որ 1845թ.-ին թանգարանում հայտնված կտավը պատկանում է Դա Վինչիի վրձնին։ Գիտնական Ալեսանդրո Վերոզզին, որը հայտնի է որպես Լեոնարդո Դա Վինչիի ստեղծագործությունների հետազոտող, 90%-ով համոզված է, որ նկարի հեղինակը հայտնի նկարիչն է։ Ներկայումս կտավը ցուցադրված է նկարչի հայրենի քաղաքում՝ Վինչիում և կրում է «Մոնա Վաննա» անունը։ Դա Վինչիի ստեղծագործությունների հետազոտողները համոզված են, որ նկարիչը «Մոնա Լիզան» գրել է վեց տարբերակով։ Գիտնականները շարունակում են փնտրել աշխարհին անհայտ չորս կտավները։

Ըստ BBC-ի։